Portali informativ “Botapress.info” ka publikuar dje (25 gusht) një artikull me titull “Një nënë dyshon se ia dhunuan fëmijën në një kopsht në Prishtinë”.
Por, pas verifikimit të fakteve të kryer nga hibrid.info, është vërtetuar se nuk bëhet fjalë për të ndodhur në Prishtinë, por se e njëjta ka ndodhur në një institucion parashkollor në qytetin e Ferizajt.
Në një artikull të publikuar nga portali informativ “Sinjali.com”, për të cilin ishin deklaruar prindërit e fëmijës që dyshohet se është keqtrajtuar, duke sqaruar se bëhet fjalë për ngjarje të ndodhur në një kopsht të fëmijëve në Ferizaj.
Pjesë nga artikulli i publikuar në portalin “Botapress.info”:
Një nënë dyshon se ia dhunuan fëmijën në një kopsht në Prishtinë
Numri i institucioneve parashkollore, kopshteve dhe çerdheve private në Kosovë është mjaft i madh. Prindërit paguajnë shuma të mëdha parash, por jo gjithmonë kushtet janë në nivelin e duhur. Jo rrallëherë ka pasur ankesa e denoncime për keqtrajtim të fëmijëve nga edukatoret në këto institucione.
Për një rast të tillë dyshohet se ka ndodhur në një kopsht në Prishtinë. Një nënë ka shprehur shqetësimin dhe dyshimet se ndaj fëmijës të saj është ushtruar dhunë fizike derisa 3-vjeçari ishte në kopsht.
Vegëza e artikullit të publikuar në portalin “Botapress.info”:
Hibrid.info ka gjetur artikullin e publikuar në portalin “Sinjali.com”, ku qartësohet se bëhet fjalë për ngjarje të ndodhur në një institucion parashkollor në Ferizaj, e jo në Prishtinë, siç pretendohet nga portali “Botapress.info”. (shih këtu)
Pjesë nga artikulli i publikuar në portalin “Sinjali.com”:
Gazeta Sinjali raportoi sot për një rast të rëndë ku dyshohet se një fëmijë i moshë 3-vjeç ka qenë pre e dhunës fizike. Një nënë ka shprehur shqetësimin dhe dyshimet se ndaj fëmijës të saj është ushtruar dhunë fizike derisa 3-vjeçari ishte në kopsht,. Sipas tyre, goja e 3-vjeçarit ishte me “gjak të pjekur rreth gojës dhe me gjak të rrjedhshëm brenda në gojë me dhëmbin e përparëm të nxjerrur pothuajse komplet”, shkruan Gazeta Sinjali.
Prindërit e 3-vjeçarit kanë deklaruar për Sinjalin se bëhet fjalë për kopshtin “Bleta” në Ferizaj.
Analiza:
Portali “Botapress.info” ka pretenduar pa saktë se në një kopsht të fëmijëve në Prishtinë dyshohet se u keqtrajtua një fëmijë 3 vjeçar.
Mirëpo, prindërit e fëmijës, një një prononcim për portalin informativ “Sinjali.com” kanë sqaruar se ngjarja ka ndodhur në një kopsht të fëmijëve në Ferizaj.
Bazuar në metodologjinë e punës, hibrid.info e vlerëson artikullin e publikuar nga “Botapress.info” si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.