Portali informativ “Kosova-sot.info” sot (26 korrik) ka publikuar një artikull me titull “Ndarja e veriut të Kosovës ishte projektuar nga punëdhënësi i Hashim Thaçit,Kadri Veseli,Baton Haxhiut….”.
Pas verifikimit të fakteve nga hibrid.info, është konstatuar se në këtë artikull gjendet vetëm një opinion i Naim Miftarit, një ish-epror ne UÇK e TMK.
Miftari në këtë opinion të tijin ka pretenduar se ndarja e veriut të Kosovës ishte projektuar nga punëdhënësi i Hashim Thaqit, Kadri Veselit dhe Baton Haxhiut, që sipas tij është shërbimi sekret francez – DGSE.
Pra, titulli duket të jetë bërë me tendencë, me pretendimin që ky opinion të paraqitet si lajm tek lexuesit.
Artikulli i publikuar në portalin “Kosova-sot.info”:
Hashim Thaqi,Kadri Veseli,Agim Qeku dhe II (Shpati) dhe dy hedhësit e antitakve Zollave ish ushtar të UÇK …dot duhen të ndjejn përgjigjsin instucjonale spakut morale për masakren e 2 Shkurtit vitit 2000 që e kryen forcat paramilitare Serbët të ndihmuar direkt nga KFOR- it Francez dhe me ndihmen e udhëheqsjes të SHIK-ut masaker që ndodhi nē Mitrovicen veriore ku u vran dhjetra u plagosen qindra dhe u ndjeken dhjetra mijra civil banor Shqiptar nga Veriu i Mitrovices !
Ndarja e veriut të Kosoves ishte projektuar nga pundhansi i Hashim Thaqit,Kadri Veseli,Baton Haxhiut…. nga sherbimi sekret Francez -DGSE- ja me 1998/99 në Pariz dhe diplomacija,akademija dhe UDB- ja Serbe akoma pa përfunduar lufta dhe intervenimi i Natos nuk ishte i rasishum vendosja e ushtris frsnceze pro Serbe në veriun e Kosoves. !
Shkrimet në këtë rubrikë nuk shprehin qëndrimet e gazetës “Kosova Sot Online”.
Vegëza e artikullit të publikuar në portalin “Kosova-sot.info”:
Titulli i këtij artikulli nuk është i futur në thonjëza, që bën të kuptohet si lajm që paraqet një ngjarje reale.
Për ta qartësuar edhe më shumë faktin se me heqjen e thonjëzave nga fjalia, nënkuptohet se nuk janë fjalë të autorit, por ajo merret si e mirëqenë. (shih këtu kuptimin e përdorimit të thonjëzave në fjali)
Analiza:
Portali “Kosova-sot.info” e ka publikuar këtë opinion të ish-eprorit të lartë të UÇK-së dhe TMK-së, Naim Miftari, i cili pretendon se ndarja e veriut të Kosovës ishte projektuar nga punëdhënësi i Hashim Thaqit, Kadri Veselit dhe Baton Haxhiut, që sipas tij është shërbimi sekret francez – DGSE.
Mirëpo në titull të artikullit nuk qartësohet se bëhet fjalë për një opinion. Pra në titull shkruan vetëm se ndarja e veriut të Kosovës ishte projektuar nga punëdhënësi i Hashim Thaçit, Kadri Veselit, Baton Haxhiut.
Nga analiza e kontrollit të fakteve e kryer nga hibrid.info, artikulli i publikuar nga “kosova-sot.info” merr vlerësimin si “clickbait”.
Arsyetimi:
“Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
