Faqja në Facebook “Mesxhid El-Aksa” që publikon përmbajtje në gjuhën shqipe, dje (16 nëntor) ka postuar një fotografi të presidentit të SHBA-së, Joe Biden i cili shihet të ketë veshur pelena.
Por që hibrid.info ka verifikuar faktet dhe ka gjetur se në fotografi është ndërhyrë, duke gjetur se fotografia e Bidenit ku shihet të ketë veshur pelena është e montuar.
Vegëza e fotografisë të publikuar në Facebook nga faqja “Mesxhid El-Aksa”:
Pas kërkimeve të bëra të kërkimit të imazhit të kundërt, rezulton se nuk ka pelena në foton origjinale. Pelena është e montuar në fotografi. (këtu)
Fotoja origjinale është bërë nga Brendan Smialowski i AFP-së. (këtu)
Fotoja është bërë kur presidenti i SHBA-së, Joe Biden, doli në skenë në ceremoninë e diplomimit të Akademisë së Forcave Ajrore të SHBA-së më 1 qershor 2023. Në momentin kur ai ka rënë, shihet se Biden nuk kishte të veshur pelena.
Analiza:
Pas verifikimit të fakteve nga hibrid.info, është vërtetuar se fotografia e presidentit të SHBA-së, Joe Biden, i cili shihet të ketë veshur pelena, është e montuar.
Bazuar në metodologjinë e punës, hibrid.info këtë fotografi e vlerëson si “mashtrim”.
