Portali i dyshimtë me përmbajtje në gjuhën shqipe “cmd.trendliveg24.com” ka publikuar një artikull me titull “Do t’i marrin pensionistët edhe nga 100 € shtesa për muajin Maj”.
Hibrid.info ka verifikuar faktet në këtë artikull, i cili rezulton të ketë komplet i sajuar.
Pas hulumtimit përmes makinave online të kërkimit si dhe rrjeteve sociale, hibrid.info nuk ka arritur të asnjë artikull me përmbajtje të tillë.
Gjithashtu, në përmbajtje të këtij artikulli pretendohet rrejshëm se duke klikuar në hapësirën reklamuese, mundësohet që të aplikohet për këto shtesa.
Artikulli i publikuar në portalin e dyshimtë “cmd.trendliveg24.com”:
Do t’i marrin pensionistët edhe nga 100 € shtesa për muajin Maj
Do t’i marrin pensionistët edhe nga 100 € shtesa për muajin MajPensionistët kosovarë në muajin Nëntor përfituan nga 100 euro shtesa, si pjesë e masës së Qeverisë., përcjell AlbKos Neës. Për fito DUKE E HAP RE KIAMEN ME PO SHTE JU KENI MUNDESI TE APLlKONl Megjithatë, kjo nuk do të vlejë për muajin e fundit, pra MUAJIN MajPER TE LEX.UAR ME SHUME SHT,YPNI HAPS.IREN REK.LAMUESE TUTJE
Vegëza e artikullit të publikuar në portalin e dyshimtë “cmd.trendliveg24.com”:
Ky artikull i sajuar është shpërndarë edhe në Facebook nga faqja “33shi.com” që numëron afër 50 mijë ndjekës. (shih këtu)
Analiza:
Portali i dyshimtë “cmd.trendliveg24.com” ka publikuar një lajm të rremë me pretendimin që pensionistët e Kosovës do të përfitojnë 100 euro në muajin maj.
Pas analizës së kontrollit të fakteve, hibrid.info ka vërtetuar se ky është një lajm komplet i fabrikuar, i cili nuk është gjetur në asnjë medium kredibil në Kosovë.
Gjithashtu, në përmbajtje ftohen lexuesit që të klikojnë në hapësirën reklamuese, duke mashtruar ata se nga aty mund të aplikojnë për këto shtesa.
Bazuar në metodologjinë e punës, hibrid.info e ka vlerësuar këtë artikull si “Lajm i rremë”.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.