Portali i dyshimtë “postlajme.net” ka publikuar një artikull me titull “Ushtria e Kosovës do ta ketë armatimin më modern krahasuar me vendet e rajonit”.
Pas kontrollit të fakteve të kryer nga hibrid.info, është vërejtur se ky artikull nuk ka asnjë burim informacioni, si dhe nuk dihet se nga është marrë ky pretendim.
Nga hulumtimi i hibrid.info përmes makinës së kërkimit “google”, nuk ka arritur të gjejë një informacion të tillë të publikuar nga ndonjë medium kredibil.
Pjesë nga teksti i artikullit të publikuar në “postlajme.net”:
Po thuajse çdo ditë ndegjojmë lajme të reja për U shtrinë e Kosovës ku tregohet për ar matimin, ushtrimet dhe teknologjinë qe do e ketë në të ardhmën!
U shtria e Kosovës sipas komandantin të saj dihet se ka nënshkruar kontrata milionëshe me kompani Amerikane e Franceze për furnizim me pajisje të teknologjisë së fundit.
Vegëza e artikullitë të publikuar në “postlajme.net”:
I njëjti artikull është shpërndarë edhe më parë nga disa portale të dyshimta, vegëzat e të cilave mund t’i gjeni më poshtë.
Analiza:
Ky artikull posedon titull dhe përmbajtje të sajuar, ndërsa pas verifikimit të bërë nga hibrid.info përmes makinave kërkuese dhe rrjeteve sociale, rezulton se ky informacion apo përmbajtje nuk ekziston dhe duket të jetë i sajuar.
Pas analizës së kontrollit të fakteve, bazuar në metodologjinë e punës, hibrid.info këtë artikull e vlerëson si “Lajm i rremë”.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
