Faqja në Facebook “The Reis” ka publikuar dje 18 tetor një video-material me pretendimin se pamjet paraqesin një tjetër raketë të Brigadave “Izzettin Qassam” e cila kaloi mbi Kupolën e Hekurt dhe u rrëzua në Tel Aviv.
Pas verifikimit të fakteve të kryer nga hibrid.info, është vërtetuar se video-materiali është i vitit 2021 dhe nuk paraqet konfliktin aktual ndërmjet Hamasit dhe Izraelit.
Vegëza e video-materialit të publikuar në Facebook nga faqja “The Reis”:
https://www.facebook.com/watch/?v=323987280227545
Pas hulumtimit përmes programit të automatizuar “InVID”, hibrid.info ka arritur të gjejë video-materialin e publikuar me datë 11 maj 2021 nga një llogari në median sociale X (ish-Twitter). (shih këtu)
Ky video-material mban mbishkrimin në gjuhën angleze “’A whole bus is in flames!’ Hamas rockets hit a city bus outside Tell Aviv & injured 4 including a 5 y/o. Driver in critical condition”, që në shqip përkthehet “’Një autobus i tërë është në flakë!’ Raketat e Hamasit goditën një autobus të qytetit jashtë Tel Avivit dhe u plagosën 4 persona, përfshirë një 5 vjeçar. Shoferi në gjendje kritike”.
Analiza:
Faqja “The Reis” në Facebook ka publikuar një video-material të vitit 2021 me pretendimin ta paraqesë atë si aktual, duke e ndërlidhur me konfliktin që po ndodhë ndërmjet Hamasit dhe Izraelit.
Bazuar në metodoligjinë e punës, hibrid.info e vlerëson këtë postim si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
