Shkroi: Fatbardh Dema
Një video-material me mbishkrimin “Sistemi kunder ajror ne Tel Aviv u aktivizua”, u publikuar me datë 14 prill nga faqja në Facebook me përmbajtje në gjuhën shqipe “The Reis”.
Me këtë mbishkrim, faqja e lartcekur supozon se pamjet tregojnë sulmin me dron të Iranit kundër Izraelit në natën e 13 prillit.
Pas verifikimit të fakteve, hibrid.info ka vërtetuar se video-materiali i publikuar nga faqja e lartcekur nuk është aktual dhe se i njëjti është realizuar me datë 12 tetor të vitit 2023.
Vegëza e postimit të publikuar në Facebook nga faqja “The Reis”:
https://www.facebook.com/61556592554058/videos/798567772141434/
Në video shfaqet logoja e gazetës britanike The Telegraph, si dhe sqarohet se pamjet janë realizuar në qytetin izraelit Ashkelon.
Pas kërkimit në kanalin zyrtar të gazetës britanike The Telegraph në Youtube, hibrid.info ka arritur të gjejë video-materialin e njëjtë, e që vërehet se ajo u realizua në me datë 12 tetor të vitit 2023. (shih këtu)
Titulli i video-materialit të publikuar në Youtube në kanalin zyrtar të The Telegraph, i përkthyer në shqip:
Kupola e Hekurt e Izraelit kap raketat e Hamasit në Ashkelon
Analiza:
Faqja “The Reis” ka publikuar një video-material të tetorit 2023, me pretendimin ta paraqesë si aktuale, duke supozuar se pamjet tregojnë sulmin me dron të Iranit kundër Izraelit në natën e 13 prillit.
Bazuar në metodologjinë e punës, hibrid.info e vlerëson këtë artikull si “Përmbajtje e paverifikuar”.
Arsyetimi:
Vlerësimi “I pa verifikuar” u bëhet atyre përmbajtjeve informative që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur të verifikohen për shkak të rrethanave të caktuara (shpejtësisë, mungesës së burimeve) gjatë publikimit të përmbajtjes.
