Shkroi: Fatbardh Dema
Përmes një fotografie, u pretendua se të martën (10 shtator) në qytetin e Gjilanit ka pasur reshje bore.
Ky postim u publikua në Facebook nga faqja “Drejt News”.
Çka gjeti hibrid.info?
Pas hulumtimit të kryer online, hibrid.info ka vërtetuar se pretendimi i lartcekur është i rremë. Fotografia është e vjetër, e publikuar me datë 20 janar.
Vegëza e postimit të publikuar në Facebook nga faqja “Drejt News”:
Pas hulumtimit përmes programit të automatizuar “InVID”, hibrid.info ka gjetur fotografinë e njëjtë të publikuar me datë 20 janar nga faqja në Facebook “Gjilani SOT”. (shih këtu)
Për ta vërtetuar edhe më shumë faktin se të martën (10 janar) nuk kishte reshje bore në Gjilan, hibrid.info ka kërkuar në platformën online për parashikim të motit “AccuWeather.com”, ku është vërtetuar se atë ditë temperaturat në Gjilan varionin nga 15 deri 18 gradë celsius. (shih këtu)
Analiza:
Përmes një fotografie, faqja “Drejt News” në Facebook pretendoi se më 10 shtator kishte reshje bore në qytetin e Gjilanit.
Pas hulumtimit online, hibrid.info vërtetoi se fotografia ishte e vjetër, e publikuar më 20 janar.
Bazuar në metodologjinë e punës, hibrid.info e vlerëson këtë pretendim si “Lajm i rremë”.
Arsyetimi:
Vlerësimin “Lajm i rremë” e marrin ato përmbajtje informative që janë tërësish të sajuara apo të cilat në vete përmbajnë pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.