Disa faqe në Facebook me përmbajtje në gjuhën shqipe kanë publikuar një fotografi të një ushtari, ndërsa në përshkrimin e saj kanë shkruar “Njësia Speciale e FSK-së”.
Në këtë fotografi shihet një ushtar që mban në dorë një armë automatike dhe një palë syze panoramike shikim nate “NVLS Maximus Quad Eye” (këtu), ndërsa në krah të tij shfaqet flamuri i Kosovës.
Pas hulumtimit përmes programit te automatizuar online “InVID” për kontroll faktesh, hibrid.info ka arritur të vërtetojë se kjo fotografi nuk i përket ndonjë ushtari të Forcave të Armatosura të Kosovës (FSK). Në fakt, në imazh paraqitet një ushtar i forcave speciale të Ushtrisë së Estonisë.
Pra, fotografisë origjinali i është hequr fotografia e flamurit të Estonisë nga krahu i ushtarit, e cila është zëvendësuar me atë të Kosovës.
Faqet në Facebook që kanë publikuar fotografinë e rreme me pretendimin se ajo është e një ushtari të Njësisë Speciale të FSK-së janë: “Specialja”, “Speciale”, “Info Ks”, “rtvpresheva.com” dhe “Ushtria e Kosovës”. (shih fotografitë më poshtë)
Pas hulumtimit të kryer, hibrid.info ka arritur të gjejë se fotografia origjinale është e një ushtari estonez, e cila është publikuar më 19 tetor 2021 në faqen zyrtare në Facebook të Forcave Operative Speciale të Estonisë (Estonian Special Operations Forces). (shih këtu)
Faqja në Facebook (Estonian Special Operation Forces) është zyrtarisht e Forcave Operative Speciale të Estonisë, pasi edhe në rubrikën “About”, bëhet e qartë një gjë e tillë. (shih këtu)
Gjithashtu, në të është vegëza e ueb-faqes zyrtare të kësaj njësie ushtarake të Estonisë. (shih këtu)
Analiza:
Disa faqe në Facebook kanë publikuar një fotografi të një ushtarit të Forcave Speciale të Estonisë, të cilit i kanë ndryshuar fotografinë e flamurit, duke e hequr atë estonez për ta zëvendësuar me flamurin e Kosovës.
Gjithashtu, në përshkrimin e fotografisë pretendohet rrejshëm, ku thuhet “Njësia Speciale e FSK-së”.
Pas analizës së kontrollit të fakteve, hibrid.info e vlerëson këtë fotografi si “Mashtrim”.
