Mediumi në gjuhën serbe “Alo.rs” ka publikuar një artikull sot (14 qershor) me pretendimin se njësia speciale e Policisë së Kosovës, gjatë arrestimit të Milun Millenkoviqit, ka hedhur gaz lotsjellës. Në titull pretendohet edhe se gazi lotsjellës është hedhur edhe, siç thuhet, “mbi fëmijë”.
Artikulli me këtë pretendim ka zënë vend në numrin e gazetës të publikuar sot, si dhe në ballinë të saj.
Artikulli nuk ofron ndonjë fakt, fotografi apo pamje për pretendimin e bërë.
Vegëza e artikullit të publikuar në ballinë të gazetës “Alo”:
Artikulli i publikuar në gazetën “Alo.rs”:
Përkundër që pretendohet se gjatë arrestimit të Millenkoviq-it në veri të Mitrovicës është hedhur gaz lotsjellës nga ana Policisë duke përfshirë këtu fëmijët, nuk argumentohet me ndonjë pamje apo fotografi.
Nga pamjet e publikuara në media dhe rrjete sociale të momentit të arrestimit të Milenkoviq-it nuk shihet ndonjë element i përdorimit të gazit lotsjellës. (këtu, këtu, këtu)
Po ashtu, edhe në media nuk është raportuar për përdorimit të gazit lotsjellës nga ana e Policisë në momentin e arrestimit të Millenkoviqit.
Analiza:
Nuk ofrohen pamje apo fotografi për pretendimin se është hedhur gaz lotsjellës nga ana e njësisë speciale të Policisë së Kosovës në momentin e arrestimit të Milun Millenkoviq në veri të Mitrovicës.
Në pamjet e publikuara në media dhe rrjete sociale nuk shihen elemente të gazit lotsjellës në momentin e arrestimit.
Bazuar në metodologjinë e punës, hibrid.info këtë pretendim e vlerëson si “dezinformatë”.
Vlerësimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
