Artikulli me titull “Me vendimin e ri, Ja kur do të nis procedura për ndarjen e 100 eurove” është publikuar sot (18 korrik) nga portali i dyshimtë “ingazetaa.com”.
Në përmbajtje gjendet lajm i vjetër, i muajit maj të këtij viti, kur shtesat nga skema e Qeverisë së Kosovës për shpërndarjen e 100 eurove për studentë dhe punëtorë të sektorit privat, ende nuk ishte ekzekutuar. Në muajin prill, pensionistët dhe punëtorët e sektorit publik veçse kishin përfituar nga skema.
Këtë ngjarje të vjetër, ky portal i dyshimtë është munduar ta paraqesë si aktual.
Vegëza e artikullit të publikuar në portalin e dyshimtë “ingazetaa.com”:
Ky artikull me titull të rremë është shpërndarë edhe në rrjetin social Facebook nga faqja “Gazeta” më 17 korrik. (shih këtu)
Pas hulumtimit të kryer përmes makinave online të kërkimit, hibrid.info ka arritur të gjejë artikullin e publikuar në kohë reale (22 maj) nga disa media online në Kosovë. (shih këtu dhe këtu)
Analiza:
Portali i dyshimtë “ingazetaa.com” ka publikuar një artikull të vjetër të muajit maj të këtij viti, të cilin është munduar ta paraqesë si aktual.
Pas analizës së kontrollit të fakteve, bazuar në metodologjinë e punës, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.