Një faqe në Facebook që mban emrin “Support For Turkey From Presheva”, ka publikuar imazhin e një rakete.
Në mbishkrimin e imazhit në fjalë pretendohet se me anë të kësaj rakete është qëlluar një avion izraelit.
Por pas kontrollit dhe verifikimit të fakteve, hibrid.info ka vërtetuar se imazhi i publikuar me anë të së cilit është paraqitur lajmi, është i vitit 2006.
Vegëza e postimit të publikuar nga “Support For Turkey From Presheva”:
Me anë të makinave të kërkimit hibrid.info ka gjetur një postim në median sociale “X” (ish-Twitter), në të cilin jepet njoftimi për sulmin me raketë drejt një droni izraelit. (shih këtu)
Lajmi nuk është i konfirmuar nga burimet zyrtare, por për këtë ngjarje kanë bërë të ditur “Al-Qassam Brigades”, organizatë e shpallur terroriste nga Shtetet e Bashkuara të Amerikës (SHBA) dhe Bashkimi Evopian (këtu), e cila edhe e ka marrë përgjegjësinë për sulmin.
Edhe pse hibrid.info nuk ka gjetur burime zyrtare që konfirmojnë lajmin, me atë hulumtimit ka gjetur se imazhi i paraqitur, si shfaqje e sulmit të pretenduar nga faqja në fjalë, është i vjetër.
Në një artikull të publikuar në vitin 2018 nga ”algemeiner.com”, media e cila mbulon situatën në Lindjen e Mesme, që po ashtu lidhet me situatën në Lindjen e Mesme, është gjetur imazhi një fjalë, në përshkrimin e të cilit tregon se shfaq pamjen e një rakete izraelite në drejtim të Hezbollahut, gjatë luftës së dytë të Libanit në vitin 2006. (shih këtu)
Analiza:
Një llogari në Facebook ka publikuar një imazh me pretendimin se shfaq një raketë e cila ka sulmuar një avion izraelit.
Hibrid.info nuk ka arritur ta gjejë lajmin në burime zyrtare, por ka vërtetuar se imazhi i publikuar nuk është aktual.
Andaj edhe bazuar në metodologjinë e punës, hibrid.info e vlerëson artikullin si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
