Portalet në gjuhën shqipe kanë publikuar një artikull me titull “Ukraina po ‘dorëzohet’ Rusët marrin kontrollin e një qyteti ukrainas”.
Hibrid.info ka verifikuar faktet në këtë artikull, ku është vërtetuar se titulli nuk i përgjigjet përmbajtjes.
Në përmbajtje nuk përmendet asnjëherë “dorëzimi” i Ukrainës, siç pretendohet në titull. Por në këtë artikull thuhet se Guvernatori i rajonit Sumy ka njoftuar se Trostyanets është pushtuar nga forcat ruse, të cilat e kanë në kontroll stacionin e ambulancës dhe nuk po lejojnë mjekët të ndihmojnë civilët, me përjashtim të fëmijëve.
Vegëzat e artikullit të publikuar në portalet si “infoshqip.com” dhe “newsnews426media.com”:
https://www.infoshqip.com/ukraina-po-dorezohet-ruset-marrin-kontrollin-e-nje-qyteti-ukrainas/
Pas hulumtimit përmes makinave të kërkimit dhe rrjeteve sociale, hibrid.info ka gjetur artikullin e publikuar nga disa media tjera online në gjuhën shqipe, të cilat kanë raportuar saktë lidhur me këtë ngjarje. (shih këtu dhe këtu)
Analiza:
Disa portale kanë publikuar artikullin që ka të bëjë me marrjen e një qyteti në Ukrainë nga forcat ruse, por më pas i kanë vënë titull të sajuar se shteti ukrainas po “dorëzohet”.
Pas analizës së kontrollit të fakteve nga hibrid.info, është vërtetuar se titulli nuk i përgjigjet përmbajtjes. Bazuar në metodologjinë e punës, ky artikull merr vlerësimin si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
