Shkroi: Fatbardh Dema
Përmes një postimi të publikuar sot (11 gusht) në Facebook, pretendohet se ka vdekur ish-boksieri kosovar, Aziz Salihu.
Postimi fillimisht u publikua nga faqja “Vatani News” në Facebook, e më pas edhe nga faqja tjetër e portalit “kosova.info”.
E vërteta?
Lidhur me këtë pretendim ka reaguar vetë vajza e Salihut, Monika, e cila në llogarinë e saj në Instagram ka demantuar lajmin për vdekjen e babait të saj.
Postimi i publikuar në Facebook, deri në shkrimin e këtij artikulli, ka arritur të grumbullojë mbi 1 mijë reagime dhe mbi 3 mijë komente. (shih fotografinë më poshtë)
Vajza e Aziz Salihut, Monika, ka demantuar lajmin për vdekjen e babait të saj, duke e quajtur “gënjeshtër”. (shih fotografinë më poshtë)
Ditë më parë, Monika, përmes llogarisë së saj në Instagram, ka bërë të ditur se Aziz Salihu është diagnostikuar me sëmundjen e Alzheimerit. (shih këtu)
Analiza:
Më 11 gusht, në Facebook është publikuar një pretendim i rremë se ish-boksieri kosovar Aziz Salihu ka vdekur. Lajmi u shpërnda fillimisht nga faqja “Vatani News” dhe më pas edhe nga “kosova.info”.
Pretendimi u demantua nga vajza e tij, Monika Salihu, përmes një postimi në Instagram, ku e quajti lajmin “gënjeshtër”. Postimi në Facebook kishte mbledhur mbi 1 mijë reagime dhe mbi 3 mijë komente deri në momentin e verifikimit nga hibrid.info.
Monika ka bërë të ditur më herët se babai i saj është diagnostikuar me Alzheimer, por ka mohuar çdo pretendim për vdekjen e tij.
Bazuar në metodologjinë e punës, hibrid.info e vlerëson këtë përmbajtje si “Lajm i rremë”.
Arsyetimi:
Vlerësimin “Lajm i rremë” e marrin ato përmbajtje informative që janë tërësish të sajuara apo të cilat në vete përmbajnë pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.