Llogaria në TikTok që mban emrin “munchen_live” ka publikuar dje (26 tetor) një video-material me pretendimin se presidenti i Turqisë, Recep Tayyip Erdogan do të dërgojë shtatë dronë Bayraktar në Kosovë, siç thuhet nga llogaria e lartcekur, për vetëmbrojtje nga Serbia.
Pas verifikimit të fakteve të kryer nga hibrid.info, është vërtetuar se pretendimi është i pasaktë, pasi nuk është gjetur asnjë informacion i publikuar në ndonjë medium kredibil në lidhje me këtë çështje.
Vegëza e postimit të publikuar në TikTok nga llogaria “munchen_live”:
Hibrid.info ka hulumtuar në llogarinë personale në Facebook të presidentit turk Erdogan, por që nuk është gjetur një deklaratë e tillë në lidhje me dërgesën e shtatë dronëve Bayraktar në Kosovë. (shih këtu)
Përveç kësaj, një njoftim i tillë nuk është gjetur i publikuar as në ueb-faqen zyrtare të Qeverisë së Turqisë. (shih këtu)
Analiza:
Pas verifikimit të fakteve të kryer nga hibrid.info, është vërtetuar se një llogari në TikTok ka pretenduar rrejshëm se Erdogan është shprehur që do t’ia dhurojë Kosovës shtatë dronë Bayraktar.
Bazuar në metodologjinë e punës, hibrid.info e vlerëson këtë pretendim si “Lajm i rremë”.
Arsyetimi:
Ky vlerësim u jepet raporteve të mediave në të cilat transmetohet përmbajtja origjinale e një mediumi tjetër, i cili përmban një lajm të rremë. Vlerësimi jepet vetëm për transmetimin e përmbajtjes që kategorizohet si lajm i rremë.
