Varianti Omikron SARS-CoV-2 nuk është i njëjti virus që shkakton ftohjen e zakonshme, siç pretendohet në disa postime që po qarkullojnë së fundi në internet.
Këto raporte mashtruese duket se bazohen në një keqlexim të një studimi mbi origjinën e Omikron dhe nga raportet e hershme që sugjerojnë se simptomat e tij mund të jenë relativisht të lehta.
Shembuj të raporteve të rreme mund të shihen (këtu), (këtu). “Pra, në thelb ata e kanë marrë ftohjen e zakonshme dhe e kanë riemërtuar Omikron…mmmk”, shkroi një përdorues i Facebook (këtu). “Omikron është një variant i të ftohtit të zakonshëm”, thotë një tjetër (këtu).
Disa përdorues që bëjnë këtë pretendim (këtu), (këtu) po i referohen raporteve të mediave në lidhje me një studim mbi variantin Omikron.
Ky studimi, ende i papërfunduar, tha se varianti ka të ngjarë të ketë fituar të paktën një nga mutacionet e tij duke zgjedhur një pjesë të informacionit gjenetik nga një virus tjetër – ndoshta ai që shkakton ftohjen e zakonshme (i njohur si HCoV-229E) – i pranishëm në të njëjtat qeliza të infektuara (këtu), (osf.io/f7txy).
Kjo nuk do të thotë se varianti Omikron ka “është shndërruar në një grip të zakonshëm” ose se është “gjenetikisht i njëjtë me ftohjen e zakonshme”, siç pretendohet në internet.
I kontaktuar nga Reuters, Venky Soundararajan nga firma analitike e të dhënave me bazë në Masaçusets, e cila drejtoi studimin në fjalë, konfirmoi se pretendimet e tilla janë të pasakta.
“Varianti Omikron SARS-CoV-2 dallon ndjeshëm nga koronaviruset sezonale (HCoV) që shkaktojnë ftohjen e zakonshme, pavarësisht se të dy këta viruse ndajnë futjen e vogël 9-nukleotide të identifikuar nga studimi ynë”, tha ai përmes emailit.
(Artikulli i plotë i njësitit për kontroll të fakteve nga Reuters)