Portali i dyshimtë me përmbajtje në gjuhën shqipe “news31post.com” ka publikuar një artikull me titull “Lajmi i fundit: Përsëri paralajmërohen Ndihma nga Qeveria për këtë kategori / Ja sa para do jepen”.
Hibrid.info ka verifikuar faktet në këtë artikull, ku është vërtetuar se titulli është i sajuar, i cili nuk i përgjigjet përmbajtjes.
Në përmbajtje gjendet një njoftim i vjetër (11 shkurt) i zëvendëskryeministrit të parë i Kosovës, Besnik Bislimi, i cili atëkohë kishte bërë të ditur se Kosova do të përfitojë 130 milionë euro fonde nga Bashkimi Evropian.
Pra, nuk ka asgjë të vërtetë se Qeveria ka paralajëmruar ndihma, siç pretendohet rrejshëm në titullin e këtij artikulli.
Vegëza e artikullit të publikuar në portalin e dyshimtë “news31post.com”:
Ky artikull me titull të sajuar është shpërndarë edhe në Facebook nga faqja “Express Gazeta”, e cila numëron afër 70 mijë ndjekës. (shih këtu)
Hibrid.info ka gjetur njoftimin e Bislimit, i cili më 11 shkurt përmes llogarisë së tij në Facebook kishte bërë të ditur që Kosova do të përfitojë 130 milionë euro fonde nga BE-ja. (shih këtu)
Analiza:
Portali i dyshimtë “news31post.com” ka publikuar një njoftim të vjetër të zëvendëskryeministrit Besnik Bislimi, i cili kishte bërë të ditur se Kosova do të përfitojë 130 milionë euro fonde nga BE-ja.
Mirëpo, ky portal i dyshimtë është munduar ta paraqesë këtë artikull si aktual, duke i vënë titull të rremë “Lajmi i fundit: Përsëri paralajmërohen Ndihma nga Qeveria për këtë kategori / Ja sa para do jepen”.
Pas analizës së kontrollit të fakteve, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.