Një faqe në Facebook me emrin “Idealisti-al”, ka publikuar një fotografi ku pretendohet të jetë kopertina e “personazhit të vitit” e revistës amerikane “Time”.
Në fotografi shihet imazhi i një burri palestinez si personazhi i vitit të revistës në fjalë.
Por pas verifikimit të fakteve, të kryer nga Hibrid.info është vërtetuar se ky pretendim nuk është i saktë.
Vegëza e imazhit të publikuar nga faqja “Idealisti-al”:
https://www.facebook.com/photo/?fbid=872738381520861&set=a.505492384912131
Hibrid.info gjatë kërkimeve online përmes makinave përkatëse, ka gjetur fotografinë e njëjtë të publikuar në rrjetin social “X” nga profili “thebluecairo” si ironi (e montuar) për vendimin e “Time”. (shiko këtu)
Kjo fotografi është trajtuar edhe në një artikull të mediumit arab “albawaba.net”, ku sqarohet se personazhi i vitit të magazines “Time” është zgjedhur këngëtarja Taylor Swift, por se shumë aktivistë pro-palestinezë kishin mendimin e kundërt dhe se personazhi i vitit duhej të ishte imazhi i një gjyshi palestinez që humbi familjen e tij në sulmet izraelite në Rripin e Gazës. (shiko këtu)
Për të verifikuar faktet edhe më tej, hibrid.info ka gjetur edhe publikimin e kopertinës së personazhit të vitit në ueb-faqen zyrtare të “TimeMagazine” ku tregohet se Taylor Swift është personazhi i vitit 2023. (shiko këtu)
Analiza:
Një faqe në Facebook, ka publikuar një fotografi ku pretendohet të jetë kopertina e “personazhit të vitit” e revistës amerikane “Time”.
Por pas verifikimit të fakteve, të kryera nga Hibrid.info është vërtetuar se ky pretendim nuk është i saktë.
Bazuar në metodologjinë e punës, hibrid.info këtë pretendim e vlerëson si “përmbajtje e paverifikuar”.
Vlerësimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
