Televizioni “Klan Kosova” ka publikuar dje ( 2 gusht) në kanalin e saj në Youtube, një kronikë me titull “Afera e rezervave – MINT-i “zhduk” 9 mijë tonë grurë”.
Kronika e televizionit në fjalë, ka të bëjë me audio-incizimin e publikuara nga mediumi “Nacionale”, ku dëgjohen teksa flasin zyrtarë nga Ministria e Industrisë, Ndërmarrësisë dhe Tregtisë (MINT) (shih këtu).
Hibrid.info ka verifikuar dhe ka vërtetuar se numri i sasisë së grurit, për të cilin bëhet fjalë në kronikën e përgatitur nga Klan Kosova, është paraqitur në mënyrë të pasaktë.
Vegëza e kronikës së publikuar në kanalin zyrtar të Klan Kosova në Youtube:
Hibrid.info pas hulumtimit ka vërtetuar se titulli i kronikës së publikuar nga “Klan Kosova”, gabimisht e paraqet sasinë e grurit për të cilin dëgjohet teksa flitet në audio-incizimin, nga 9 në 9 mijë ton.
Në 10 sekondat e para të po kësaj kronike, nga lexuesi i raportit të përgatitur nga “Klan Kosova”, kuptojmë se bëhet fjalë për 9 ton të sasisë së grurit, e cila mungon në raport me 10 mijë ton të porositura nga MINT.
Për të vërtetuar edhe më shumë se bëhet fjalë për shifër të paraqitur gabimisht në titullin e kronikës së “Klan Kosova”, hibrid.info ka gjetur një artikull nga “Nacionale”, medium i cili e ka publikuar audio-incizimin (shih këtu).
Në artikull sqarohet dhe tregohet se për çfarë sasie të grurit bëhet fjalë.
Analiza:
Televizioni “Klan Kosova” ka publikuar një kronikë në titullin e së cilës gabimisht pretendohet për sasinë e grurit që thuhet se mungon nga rezervat shtetërore.
Pas verifikimit të fakteve është vërtetuar se ndryshe nga paraqitet në titullin e kronikës, ku thuhet se mungojnë 9 mijë ton grurë, në audio-incizimin e publikuar dëgjohet se bëhet fjalë për sasinë 9 tonëve.
Bazuar në metodologjinë e punës, hibrid.info e vlerëson këtë pretendim si “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.
