Portali i dyshimtë me përmbajtje në gjuhën shqipe “bbcnewsm.com” ka publikuar me datë 13 janar një artikull me titull “Njoftim i rëndësishëm për Mërgimtarët që duan të udhëtojnë”.
Në përmbajtje të këtij artikulli thuhet “Është bërë e ditur se Delta Air Lines dhe Alitalia do të fillojnë fluturime “pa karantinë” nga SH.B.A. në Itali, duke hapur rrugën e parë të tillë që lidh SH.B.A. dhe Evropa që kur kufizimet e udhëtimit u futën gjatë pandemisë”.
Mirëpo, pas verifikimit të fakteve të kryer nga hibrid.info, është vërtetuar se ky artikull është i vjetër, i publikuar 27 nëntor 2020 nga portali informativ në gjuhën shqipe që operon në Austri “albinfo.ch”.
Pra, ky portal i dyshimtë, këtë artikull të vjetër është munduar ta paraqesë si aktual.
Vegëza e artikullit të publikuar në portalin e dyshimtë “bbcnewsm.com”:
Ky artikull është shpërndarë me datë 14 janar edhe në median sociale Facebook nga faqet “Bota Shqiptare” dhe “Lajme Fresh24”.
Pas hulumtimit të kryer përmes makinave online të kërkimit, hibrid.info ka arritur të gjejë artikullin autentik të publikuar në kohë reale (27 nëntor 2020) nga portal informativ në gjuhën shqipe që operon në Austri “albinfo.ch”. (këtu)
Analiza:
Portali i dyshimtë “bbcnewsm.com” ka publikuar më 13 janar një artikull të vjetër të vitit 2020, të cilin është munduar ta paraqesë si aktual, kështu duke lënë vend për keqinformim te lexuesit.
Ky artikull është shpërndarë më 14 janar edhe nga disa faqe në Facebook.
Bazuar në metodologjinë e punës, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
