Portali i dyshimtë “Atdheulajm.com” ka publikuar sot (25 dhjetor) një artikull me titull “Mbushni rezervuarët, pas mesnate shtrenjtohet çmimi i naftës dhe benzinës”.
Pas verifikimit të fakteve të kryer nga hibrid.info, është vërtetuar se lajmi është i vjetër dhe ka të bëjë me rritjen e çmimit të derivateve të naftës gjatë muajit mars në Maqedoninë e Veriut.
Vegëza e artikullit të publikuar në portalin e dyshimtë “Atdheulajm.com”:
Pas hulumtimit të kryer përmes makinave online të kërkimit, hibrid.info ka arritur të gjejë artikullin autentik të publikuar nga mediumi online “TV21.tv” me datë 27 mars 2023. (shih këtu)
Artikulli i publikuar sot (25 dhjetor) nga portali i dyshimtë “atdheulajm.com”, është postuar edhe në Facebook nga faqja “Atdheu Lajm” me mbishkrimin “Lajm i keq për shoferët…”. (shih këtu)
Tematika e çmimeve të derivateve të naftës duket se është përdorur në këtë rast për shkak të interesimit që nxitë lexuesit të klikojnë artikullin.
Analiza:
Pas verifikimit të fakteve, hibrid.info ka vërtetuar se një portal i dyshimtë me përmbajtje në gjuhën shqipe ka publikuar një artikull të vjetër me pretendimin ta paraqesë si aktual.
Bazuar në metodologjinë e punës, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
