Një artikull rreth përdorimit të maskës është shpërndarë shumë në mediat online në gjuhën shqipe, i cili nuk përmban burim të informacionit.
Që nga muaji prill, i njëjti tekst “përtypet” nga mediat shqiptare, por asnjëherë nuk përmendet se nga ku është marrë ky studim.
Kjo dukuri e shpërndarjes së teksteve të pakonfirmuara është mjaft e përhapur nga mediat online, dhe si pasojë, lexuesit përballen me pyetjen se sa janë të vërtetë këta artikuj që qarkullojnë në mediat tona.
Në këtë tekst shkruan se si duhet të përdoret maska kundër virusit Korona, si dhe tregon gabimet që mund t’i bëjmë gjatë përdorimit të saj.
5 gabime të rrezikshme që po bëni me vendosjen e maskave
Analizë:
Pas një analize të bërë nga hibrid.info, vetëm portali “Shqiptarja.com” e ka cituar se ky artikull është marrë nga Huffpost.com, ndërsa tjerat mediume vetëm e kanë shpërndarë atë duke mos iu referuar prejardhjes së tij. Ky artikull karakterizohet si “Përmbajtje e pa verifikuar”.
Arsyetimi:
Përmbajtje e pa verifikuar – Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
