Portali i dyshimtë me përmbajtje në gjuhën shqipe “ingazetaa.com” sot (13 korrik) ka publikuar artikullin me titull “Pas rënies së cmimit të naftës, vjen lajmi tjetër i mirë për gjithë qytetarët!”.
Hibrid.info ka verifikuar faktet në këtë artikull dhe është vërtetuar se përmban titull që nuk korrespondon me përmbajtjen.
Në përmbajtje gjendet lajm i vjetër i muajit mars, atëkohë kur zëvendësministri i Infrastrukturës, Mjedisit dhe Planifikimit Hapësinor, Hysen Durmishi, kishte bërë të ditur se kanë arritur marrëveshje me “Shoqatën e Transportit Rrugor”, të kthejnë çmimet e biletave të autobusit siç kanë qenë më parë.
Këtë ngjarje të vjetër, ky portal i dyshimtë është munduar ta paraqesë si aktual.
Vegëza e artikullit të publikuar në portalin e dyshimtë “ingazetaa.com”:
Ky artikull me titull të rremë është shpërndarë edhe në rrjetin social Facebook nga faqja “Gazeta”, e cila numëron mbi 200 mijë ndjekës. (shih këtu)
Pas hulumtimit të kryer përmes makinave online të kërkimit, hibrid.info ka arritur të gjejë artikullin e publikuar në kohë reale (18 mars) nga disa media online në Kosovë. (shih këtu dhe këtu)
Analiza:
Portali i dyshimtë “ingazetaa.com” ka publikuar një artikull të vjetër të muajit mars, të cilin është munduar ta paraqesë si aktual, duke i vënë titull të rremë.
Pas analizës së kontrollit të fakteve, bazuar në metodologjinë e punës, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
