Portali “Kosova-sot.info” ka publikuar një artikull me titull “Hysni Gucati lirohet nga Haga”.
Pas kontrollit të fakteve, hibrid.info ka vërtetuar se titulli i këtij artikulli është përgjithësues, që lë të kuptohet se ish-kryetari i Organizatës së Veteranëve të Luftës së UÇK-së, Hysni Gucati, është liruar nga të gjitha akuzat që rëndojnë mbi të.
Ndërsa në përmbajtje bëhet e ditur se Gucati është liruar përkohësisht nga Haga, për ta vizituar babanë e tij, i cili aktualisht po kalon nëpër një gjendje të rëndë shëndetësore. Gucati, gjatë qëndrimit të tij në Kosovë do të përcillet nga Policia e EULEX-it.
Pjesë nga artikulli i publikuar në portalin “Kosova-sot.info”:
Hysni Gucati lirohet nga Haga
Ish-kryetari i Organizatës së Veteranëve të Luftës së UÇK-së, Hysni Gucati, është liruar përkohësisht nga Haga.
Arsyeja e ardhjes së Gucatit në spitalin e Mitrovicës ishte gjendja e rëndë shëndetësore e babait të tij.
Gucati do të qëndrojë deri të dielën në Kosovë nën përcjelljen e policisë se EULEX-it.
Vegëza e artikullit të publikuar në portalin “Kosova-sot.info”:
https://www.kosova-sot.info/lajme/618707/hysni-gucati-lirohet-nga-haga/
Analiza:
Portali “Kosova-sot.info” ka publikuar një artikull që ka të bëjë me lirimin e përkohshëm nga Haga të ish-kryetarit të Organizatës së Veteranëve të Luftës së UÇK-së, Hysni Gucati, shkaku i gjendjes së rëndë shëndetësore të babait të tij.
Por, në titullin e këtij artikulli nuk bëhet e ditur se lirimi i Gucatit është i përkohshëm, duke lënë të kuptohet se ai është liruar nga Dhomat Speciale në Hagë, si rezultat i ndonjë verdikti përfundimtar.
Bazuar në metodologjinë e punës, hibrid.info e vlerëson këtë artikull si “Clickbait”.
Arsyetimi:
Vlerësimin “Clickbait” e marrin ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.