Portali i dyshimtë “specialja.com” ka publikuar një artikull, në titullin e të cilit pretendohet rrejshëm që ish-kryetarit të PDK-së, Kadri Veseli, i është shqiptuar dënim me burg nga Gjykata Speciale në Hagë.
Nga verifikimi i fakteve nga hibrid.info, rezulton se titulli i këtij artikulli është i rremë, i cili nuk përputhet përmbajtjen në tekst.
Në përmbajtjen e këtij artikulli gjendet një lajm i vjetër i datës 26 nëntor të këtij viti, i cili flet se si “Veseli s’donte të arrestohej nga Gjykata Specialje” dhe, për këtë arsye, ai kishte pranuar që të vetë-dorëzohej. Pra, nuk ka asnjë vendim për dënim me burg për Veselin, siç pretendohet rrejshëm në titullin e artikullit të publikuar në “specialja.com”.
Teksti i artikullit të publikuar në specialja.com:
E pat puna e Kadri Veselit, merret vendimi se sa vite B U R G do ti mbajë
Bëhet fjalë se dy javë para se të arrestohej dhe të dërgohej në Hagë për gjykím nga Gjykata Speciale, ish-kryetari i Partisë Demokratike të Kosovës, Kadri Veseli, kishte pranuar se do të dorëzohej vullnetarisht dhe ndaj tij s’duhej të ketë urdhëra rrest po që se i konfirmohet ak takuza.
Sipas një dokumenti të fundit të publikuar nga Specialja lidhur me kërkesat për urdhëra rreste dhe urdhra për transfere, avokati mbrojtës i Veselit. / Pak sekonda pasi ta hapësh marketingun shih PAMJET
Vegëza e artikullit të publikuar në specialja.com:
Më poshtë mund të lexoni artikullin origjinal të publikuar në kohë reale nga disa media online:
Analiza:
Portali i dyshimtë “specialja.com” ka marrë një lajm të vjetër të cilit qëllimshëm i ka ndryshuar titullin, e më pas e ka publikuar duke e paraqitur si aktual. Ky lajm dezinformon lexuesit, si dhe i shtynë ata që të klikojnë në artikull edhe pse nuk u servohet asgjë siç pretendohet në titull.
Pas analizës së kontrollit të fakteve nga hibrid.info, ky artikull vlerësohet si “dezinformatë”.
Arsyetimi:
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.