Disa mediume në gjuhën shqipe kanë publikuar një artikull sot (4 prill) me titull “Kërkohet ndalimi i përdorimit të TikTok-ut në Shqipëri”.
Pas verifikimit të fakteve të kryer nga hibrid.info, është vërtetuar se titulli është përgjithësues dhe lë për të nënkuptuar që po kërkohet të ndalohet TikTok-ut në nivel të përgjithshëm.
Lajmi sqarohet vetëm në përmbajtje ku bëhet e ditur se, “Kreu i grupit Parlamentar Socialist, Taulant Balla ka kërkuar që ‘Tik-Toku’ të ndalohet në institucionet publike”.
Vegëzat e artikujve të publikuar ën disa media në gjuhën shqipe:
Titulli i artikullit në fjalë lë për t’u nënkuptuar që kërkesa për ndalimin e TikTok-ut vlen në nivel vendi, përkundër faktit që kërkesa është bërë që të ndalohet në institucionet publike.
Analiza:
Disa media në gjuhën shqipe kanë publikuar një artikull me titull përgjithësues lidhur me kërkesën për ndalimin e TikTok-ut në Shqipëri, duke lënë të nënkuptohet që kërkesa është bërë në nivel vendi.
Lajmi sqarohet në përmbajtje ku bëhet e ditur se kërkesa është bërë që TikTok-u të ndalohet në institucione publike.
Bazuar në metodologjinë e punës, hibrid.info e vlerëson këtë artikull si “clickbait”.
Vlerësimi:
Vlerësimin “Clickbait” e marrin ato tekste titujt e të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.