Shkroi: Etrit Rexhepi
Përmes titujve të artikujve të publikuar nga disa media, është pretenduar se futbollisti shqiptar, Eros Grezda i ka dhënë fund karrierës futbollistike.
Artikujt e titulluar “Ish-lojtari i kombëtares e mbyll 29 vjeç me futbollin” dhe “Eros Grezda heq dorë nga futbolli, deklarata e papritur e tij” janë publikuar sot (25 prill) nga portalet informative, “kosovapost.net” dhe “syri.net”.
Por, në njoftimin e publikuar në Instagram, futbollisti ka bërë të ditur që ka marrë vendim të pushojë nga futbolli, për momentin.
Vegëzat e artikujve të publikuar nga “kosovapost.net” dhe “syri.net”:
https://www.syri.net/jete-stil/683349/eros-grezda-heq-dore-nga-futbolli-deklarata-e-papritur-e-tij
Në të dy artikujt e publikuar, ndryshe nga titulli, në përmbajtje bëhet i qartë informacioni mbi njoftimin e publikuar të lojtarit.
Pjesë nga përmbajtjet e dy artikujve:
“kosovasot.net”
Eros Grezda kërkon dhe merr pak pauzë nga futbolli. Ish-lojtari i Partizanit që kaloi në merkaton e janarit në Kroaci te Rudes, nëpërmjet një postimi në rrjetet sociale, njoftoi se i duhet të pushojë dhe për momentin të ndahet nga futbolli i luajtur.
“syri.net”
Futbollisti shqiptar Eros Grezda ka mbyllur bashkëpunimin e tij me klubin e Rudes në Kroaci. Sulmuesi shqiptar la Partizanin në janar për t’u rikthyer në vendin ku jetonte prej vitesh. Mirëpo, aventura e tij e rradhës në kampionatin kroat nuk shkoi aspak siç e priste.
Ditën e sotme, ai ka njoftuar në Instagram se ka marrë vendimin për të pushuar nga futbolli.
Pas kontrollit nga hibrid.info, është gjetur edhe fotografia e publikimit të Grezdës në llogarinë e tij në Instagram, ku bëhet i ditur njoftimi i tij për tërheqje të përkohshme nga futbolli. (shih fotografinë më posht poshtë)
Analiza:
Përmes titujve pretendohet pa saktë se futbollisti Eros Grezda është tërhequr nga futbolli.
Pas verifikimit të njoftimit të Grezdas, është bërë e qartë se tërheqja e tij nga fushat e gjelbra, është e përkohshme.
Bazuar në metodologjinë e punës, hibrid.info e vlerëson këtë përmbajtje si “Clikbait”.
Arsyetimi:
“Clickbait” vlerësohen ato përmbajtje informative titulli i të cilave është përgjithësues dhe nuk bënë të ditur vendndodhjen e ngjarjes, kontekstin dhe relevancën. Tekste dhe artikuj të tillë synojnë të tërheqin vëmendjen e audiencës me tituj sensacionalë me pasojë çorientuese, që nuk e qartësojnë saktësisht përmbajtjen e artikullit. Titujt “clickbait” bëhen kryesisht për të tërhequr lexueshmëri në rastin e publikimeve mediatike dhe/ose për të fituar nga klikimet në rastet e publikimeve komerciale.