Faqja në Facebook “The Reis” ka publikuar me datë 9 tetor një video-material me pamje të një shkarkimi të artilerisë luftarake me pretendimin “Hamasi vazhdon të godasë Izraelin”.
Kontrollues faktesh nga Reuters kanë verifikuar faktet e paraqitura në këtë video-material, duke vërtetuar se pamjet janë të vitit 2020 në Siri. (shih këtu)
Vegëza e postimit të publikuar në Facebook nga faqja “The Reis”:
https://www.facebook.com/watch/?v=644865824424878
Reuters ka gjetur video-materialin e njëjtë të publikuar nga dy kanale në Youtube me datë 3 shkurt 2020 dhe 28 shkurt 2020. (shih këtu dhe këtu)
Video-materiali i publikuar me datë 3 shkurt në Youtube përmban përshkrim në gjuhën ruse. Në përkthimin në gjuhën shqipe do të thotë “Siria. Lufta në Siri. Raketat tokë-tokë shkatërrojnë milicitë turke al-Qaeda në perëndim të Aleppos”.
Analiza:
Faqja “The Reis” ka publikuar një video-material të vitit 2020 me pretendimin se pamjet paraqesin konfliktin e tetorit 2023 midis Izraelit dhe Hamasit, duke i vënë mbishkrimin “Hamasi vazhdon të godasë Izraelin”.
Ky video-material i publikuar nga faqja “The Reis” merr vlerësimin si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.