Faqja në Facebook “Kopshte me lumturi”, e cila numëron mbi 60 mijë ndjekës, me datë 25 tetor ka publikuar një video material me mbishkrimin “Liri për Palestinën!”.
Në këtë video-material shihen ndërtesa të shkatërruara, dhe që faqja e lartcekur pretendon se pamjet shfaqin shkatërrimin e Palestinës në konfliktin aktual Hamas-Izrael.
Pas verifikimit të fakteve të kryer nga hibrid.info, është vërtetuar se video-materiali është realizuar në muajin shkurt dhe pamjet paraqesin shkatërrimin e qytetit turk Hatay pas tërmetit të 6 shkurtit.
Vegëza e video-materialit të publikuar në Facebook nga faqja “Kopshte me lumturi”:
https://www.facebook.com/watch/?v=3269499346680718
Pas hulumtimit përmes makinave online të kërkimit dhe mediave sociale, hibrid.info ka arritur të gjejë video-materialin e njëjtë të publikuar në Instagram me datë 10 shkurt nga llogaria “dr.sogolmashayekhi.clip”, në të cilën shihet mbishkrimi “Hatay, Antakya”. (shih këtu)
Fotografitë krahasuese
Analiza:
Faqja në Facebook “Kopshte me lumturi” ka publikuar një video-material që shfaq pamjet pas tërmetit të 6 shkurtit që goditi qytetin Hatay në Turqi, me pretendimin se i njëjti është realizuar në Palestinë.
Bazuar në metodologjinë e punës, hibrid.info e vlerëson këtë publikim si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
