Artikulli me titull “100 mijë vende pune / Kurti zotohet se do ta eliminojë varfërinë ekstreme”, është publikuar nga portali i dyshimtë “konakushqiptar.com”.
Pas kontrollit të fakteve të kryer nga hibrid.info, është vërtetuar se titulli i këtij artikulli është i sajuar, i cili nuk përputhet me përmbajtjen.
Gjithashtu, lajmi është i vjetër, i cili është publikuar më 22 shkurt të këtij viti nga “klankosova.tv”, atëkohë kur Kurti kishte thënë se përafërsisht 100 mijë qytetarë në vend jetojnë me më pak se 1 euro në ditë.
Pra, nuk është e vërtetë se Kurti ka premtuar 100 mijë vende pune, siç pretendohet rrejshëm në titullin e këtij artikulli të portalit të dyshimtë “konakushqiptar.com”.
Teksti i artikullit të publikuar në “konakushqiptar.com”:
Kryetari i Lëvizjes Vetëvendosje, Albin Kurti, ka premtuar eliminimin e varfërisë ekstreme në Kosovë, përgjatë kohës së qeverisjes së tij.
Kurti ka thënë se përafërsisht 100 mijë qytetarë në vend jetojnë me më pak se 1 euro në ditë – kjo sipas tij është rezultat i drejtpërdrejtë i korrupsionit dhe keqmenaxhimit, njofton Klan Kosova.
Vegëza e artikullit të publikuar në “konakushqiptar.com”:
Më poshtë mund të gjeni artikullin e publikuar në kohë reale (22 shkurt 2021) në portalin “klankosova.tv”.
https://klankosova.tv/kurti-zotohet-se-do-ta-eliminoje-varferine-ekstreme-gjate-qeverisjes-se-tij/
Analiza:
“Konakushqiptar.com” ka publikuar një artikull të vjetër me pretendimin ta paraqesë atë si aktual, duke i vënë titull të rremë.
Pas analizës së kontrollit të fakteve të kryer nga hibrid.info, ky artikull merr vlerësimin si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.