A dëgjoni fjalë të panjohura ose deklarata të papritura nga një politikan apo personazh i famshëm në një imazh? Ngadalësoni. Kontrolloni përsëri. Mos harroni se mund të jetë një përmbajtje deepfake.
Deepfake, i cili është një kombinim i fjalëve angleze deep learning dhe fake, i referohet imazheve të krijuara duke përdorur teknika të inteligjencës artificiale për të imituar realisht fytyrat, lëvizjet dhe zërat e njerëzve.
Platforma turke për verifikimin e fakteve, teyit.org, ka përpiluar disa pika orientuese për identifikimin e përmbajtjeve deepfake duke dhënë shembuj nga politika turke.
Sytë
Një përmbajtje mund të jetë deepfake nëse:
- ka lëvizje të panatyrshme të syve
- nuk i hap e mbyll sytë
- ka reflektime jonormale në bebëzat e syrit
Nëse kemi syze, reflektimet e papërputhshme në syze janë gjithashtu një e dhënë dyshuese.
Fytyra
Në video deepfake lëkura mund të duket e lëmuar ose shumë e rrudhur, ose një nishan në fytyrë mund të mos duket realist.
Shenjat identifikuese të përmbajtjes deepfake janë:
- toni jonormal i lëkurës
- ndryshimi i ngjyrës
- hijet e gabuara rreth syve dhe muskujve
Flokët
Flokët në përmbajtjen deepfake mund të duke të ngrira, qimet e flokut mund të jetë në mos përputhje me njëra-tjetrën. Zbardhja e flokëve dhe plakja dhe rrudha e fytyrës dhe syve mund të jenë gjithashtu të papajtueshme me njëra-tjetrën. Po ashtu, mjekra mund të mos duket mjaft reale.
Dhëmbët
Algoritmet mund të mos funksionojnë në dhëmbë tek e tek, kështu që mungesa e një konturi të të gjithë dhëmbëve mund të jetë një e dhënë dyshuese.
Sinkronizimi
Nëse fytyra e personit në imazh nuk shfaq emocionin në harmoni me atë që ai thotë ose fjalët nuk janë në përputhje me lëvizjen e buzëve, imazhi që shikoni mund të jetë një përmbajtje deepfake.
Imazh ose zë (tingull) i paqëndrueshëm
Disa karakteristika për t’i dalluar përmbajtjet e rreme:
- zëra robotik
- shqiptimet e çuditshme të fjalëve
- zhurma në sfond
- edhe mungesa e zërit
Trupi apo qëndrimi
Teknologjia Deepfake shpesh fokusohet në fytyrë dhe jo në të gjithë trupin. Nëse një kuadër është jo proporcional ose i shkëputur nga tjetri përderisa personi kthen ose lëviz kokën, kjo lë për të dyshuar.
Mos harroni se sa më i famshëm të jetë një person, aq më e lehtë mund të jetë të prodhohet një përmbajtje deepfake pothuajse perfekte.
Burimi: teyit.org