Portali informativ “Kosova Sot” ka publikuar sot (13 korrik) një artikull me titull “Moderatori ia kthen shishen me ujë vetes pasi e pa ‘seancën e Kuvendit të Kosovës’”.
Titull ky i cili lë të nënkuptojë veprimi i moderatorit është ndikuar nga pamjet e ngjarjeve të sotme në Kuvendin e Kosovës.
Por hibrid.info ka verifikuar dhe ka gjetur se titulli nuk korrespondon me përmbajtjen e artikullit.
Vegëza e artikullit të publikuar në portalin “Kosova-sot.info”:
Hibrid.info pas hulumtimit ka gjetur se në përmbajtjen e po këtij artikulli, është gjetur se arsyet mbi veprimin e moderatorit, nuk përputhen me pretendimin në titull.
Për ta vërtetuar se veprimi i moderatorit nuk lidhet me arsyen e paraqitur në titullin e artikullit, hibrid.info me anë të makinave të kërkimit ka gjetur të publikuar në disa media në gjuhën shqipe, lajmin që vërteton se pretendimi i publikimit, është i pabazuar (shih këtu dhe këtu).
Po ashtu hibrid.info ka gjetur për të njëjtën ngjarje, artikuj dhe video të publikuar edhe në mediat e huaja, në të cilat shihet se lajmi në fakt ka ndodhur ditën e djeshme (12 korrik), çka nënkupton se veprimi nuk ka lidhje me ndonjë ngjarje të ditës së sotme (shih këtu dhe këtu).
Analiza:
Portali informativ “Kosova-sot.info” ka publikuar një artikull në lidhje me një veprim të një moderatori austriak, të cilin në titull, e lidh me ngjarjet e sotme në Kuvendin e Kosovës.
Por që përmbajtja e ofruar në artikullin e lartë-cekur, është në korrelacion me titullin.
Bazuar në metodologjinë e punës, hibrid.info e vlerëson këtë artikull si “Clickbait”.
Arsyetimi:
Vlerësimin “Clickbait” e marrin ato tekste titujt e të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.