Disa faqe në Facebook dhe rrjetin social X (ish Twitter) kanë publikuar një video-material me pretendimin se presidenti rus Vladimir Putin kishte marrë pjesë në funeralin e Yevgeny Prigozhin, ish liderit të grupit mercenary “Wagner”.
Në video-materialin e shpërndarë në mediat sociale shihet presidenti rus duke vendosur lule në një arkivol, duke përshëndetur njerëzit dhe duke bërë respekt mbi një arkivol të hapur përpara se përfundimisht të hyjë në limuzinën e tij. Në sekondat e fundit të videos, Putini shihet duke u larguar i vetëm.
Pas kontrollit të fakteve nga Reuters është gjetur se video materiali nuk tregon Putinin në funeralin për Prigozhin. (këtu)
Vegëzat e video materialit të publikuar në Facebook dhe X (ish Twitter):
https://www.facebook.com/tunde.dng/videos/649684030269152/
Një video e vitit 2013 e Vladimir Putinit në memorialin e ish-trajnerit të tij të xhudos, Anatoly Rakhlin, është rishfaqur në mediat sociale, me përdoruesit që pretendojnë në mënyrë të rreme se tregon presidentin rus që merr pjesë në funeralin e shefit të Wagner, Yevgeny Prigozhin.
Një klip i postuar në kanalin YouTube me emrin “EpsilonNewsNetwork” më 10 gusht 2013, i titulluar “Putin tregon respektin e tij për mentorin e ndjerë Rakhlin” (këtu) ka të njëjtat pamje si në pretendim. Si fakt ilustrues, Putini mund të shihet pranë arkivolit në sekondën e 28-të në videon në YouTube dhe në të 16-tën në video materialin e publikuar në mediat sociale. Më pas ai mund të shihet duke ecur i vetëm në 1:18 në videon në Youtube dhe sekondën e 42-të në videon e publikuar në mediat sociale.
Për më tepër, në media ishte raportuar para funeralit të Prigozhin se Putin nuk do të ishte i pranishëm. (këtu)
Udhëheqësi mercenar rus Prigozhin u varros në një varrezë në periferi të Shën Petersburgut më 29 gusht, gjashtë ditë pasi u vra në një aksident avioni.
Rakhlin, i cili ishte trajner i Putinit në Xhudo për 15 vjet, vdiq në moshën 75-vjeçare më 7 gusht 2013, (këtu). Faqja zyrtare e Kremlinit postoi fotografi të Putinit nga ajo që e quajti “ceremoni e lamtumirës” për Rakhlin (këtu).
Analiza:
Video-materiali i shpërndarë në rrjetet sociale nuk e paraqet Putinin në funeralin e Prigozhinit.
Video materialit është i vitit 2013, ku Putin kishte marrë pjesë në funeralin e trajnerit të tij të xhudos, Rakhlin.
Bazuar në metodologjinë e punës, ky pretendim vlerësohet si “dezinformatë”.
Vlerësimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.