Një llogari në TikTok që mban emrin “mtrks25” ka publikuar dje (5 dhjetor) një video-material në të cilin shfaqet një dron ushtarak.
Mbishkrimi i vendosur video-materialit pretendon se ky dron ushtarak do t’i dhurohet Kosovës, pa e saktësuar burimin e këtyrë donacioneve.
Por hibrid.info nuk ka gjetur dëshmi apo burime të sakta që konfirmojnë pretendimin.
Vegëza e video-materialit të publikuar në TikTok nga llogaria “mtrks25”:
Pas hulumtimit dhe verifikimit nga hibrid.info, video-materiali i njëjtë është gjetur i publikuar në TikTok, më 27 maj të këtij viti nga një llogari me emrin “military_drones” (shih këtu).
Hibrid.info ka hulumtuar në faqen në Facebook të Ministrisë së Mbrojtjes. Në njoftimet e kësaj ministrie nuk lajme që konfirmojnë pretendimin e kësaj llogarie (shih këtu).
Ndërsa me anë të makinës së kërkimit, “Google”, informata e fundit e gjetur në raport me pretendimin, është një artikull që tregon për takimin e kryemnistrit Albin Kurti me drejtorin e kompanisë që prodhon dronë Bayraktar (shih këtu).
Në takim është theksuar së është folur për mundësi të reja të bashkëpunimit, por nuk është vënë në dukje çështja e ndonjë donacioni të mundshëm.
Analiza:
Një llogari në TikTok ka publikuar një video-material, që shfaq një dron ushtarak për të cilin pretendohet se do t’i dhurohet si donacion Kosovës.
Por, hibrid.info nuk ka gjetur prova nga burimet zyrtare që mbështesin publikimin e pretenduar.
Bazuar në metodologjinë e punës, hibrid.info vlerëson këtë përmbajtje si “Lajm i rremë”.
Vlerësimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.