Disa media online në Kosovë kanë publikuar një lajm, në të cilin thuhet se avokati Tomë Gashi ka promovuar diktatorin nazist Adolf Hitler.
Gashi në profilin e tij zyrtar ka postuar e më pas e ka fshirë një fotografi të Hitlerit, me komentin “Kur e kanë pyetur Hitlerin, cilët janë njerëzit më të poshtër me të cilët je takuar, është përgjigjur: “S’kam parë më të poshtër se ata që më ndihmonin të pushtoj vendet e tyre!”. Në këtë postim ai mbishkroi “Ujmanin e ndan, Serbia në Adriatik! Pushtimi brina nuk ka!
Disa nga mediat kosovare këtë postim të Gashit e kanë cilësuar si promovim të Hitlerit. Ky reagim i tij nuk ka të bëjë me promovim, pasi ai thënien e diktatorit të njohur e ka lidhur me marrëveshjen që u arrit ditë më parë ndërmjet Kosovës dhe Serbisë në Washington.
Vegëzat e disa mediave që e publikuan këtë lajm:
Analizë:
Siç shihet në postimin e tij, Gashi nuk ka bërë ndonjë promovim të ish-diktatorit nazist, por vetëm e ka sjellë thënien e tij për ta krahasuar me kontekstin e tanishëm të krijuar nga marrëveshja në Washingotn. Ndërsa, mediat e kontrolluara nga hibrid.info shihet që, përmes titujve, e kanë devijuar krahasimin e tij duke krijuar tituj nxitës. Pra mund të thuhet se këto media e kanë deformuar postimin e Gashit dhe si rrjedhojë, kanë publikuar artikull me titull që nuk paraqet përmbajtjen e tekstit. Pas analizës nga hibrid.info ky artikull karakterizohet si “Dezinformatë”.
Arsyetimi:
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.