Shkroi: Fatbardh Dema
Faqja në Facebook me përmbajtje në gjuhën shqipe “The Reis” ka publikuar një imazh në të cilin paraqitet kryeministri izraelit, Benjamin Netanyahu, afër një mështjerre.
Kjo faqe në mbishkrimin e imazhit ka pretenduar se Netanyahu përmes kësaj fotografie ka dhënë një mesazh për xhaminë Al-Aksa në Jerusalem.
Pas verifikimit të fakteve të kryer nga hibrid.info, është vërtetuar se imazhi nuk është real dhe se i njëjti është i gjeneruar me Inteligjencë Artificiale (IA).
Vegëza e postimit të publikuar në Facebook nga faqja “The Reis”:
Pas verifikimit të kryer nga hibrid.info nëpërmjet aplikacionit “hivemoderation.com” rezulton që imazhi është i gjeneruar me Inteligjencë Artificiale (IA).
Edhe aplikacioni tjetër që detekton përmbajtjet e krijuara nga AI, “isitai.com”, tregon se ky imazh është gjeneruar me inteligjencë artificiale.
Analiza:
Pas analizimit të imazhit të publikuar nga një faqe në Facebook, përmes aplikacioneve që identifikojnë përmbajtjet e gjeneruara me inteligjencë artificiale, rezulton që fotografia është gjeneruar me AI.
Po ashtu, faqja në Facebook që e ka publikuar këtë përmbajtje, pretendon rrejshëm se me anë të këtij imazhi, Netanyahu ka dhënë një mesazh për xhaminë Al-Aksa.
Bazuar në metodologjinë e punës, hibrid.info e vlerëson këtë imazh si “Dezinformatë”.
Arsyetimi:
Vlerësimin si “Dezinformatë” e merr ajo përmbajtje informative e cila në vete përmban një “miks” të burimeve të pasakta apo edhe atribute gjysmë të vërteta, e që krijohet dhe/apo shpërndahet me qëllim të paramenduar për të shkaktuar dëm. Prapa motivit të prodhuesve/shpërndarësve të përmbajtjeve dezinformuese qëndron arritja e një qëllimi politik, financiar, psikologjik apo social.