Disa portale informative kanë publikuar një artikulli sot lidhur me bunkerët e Prishtinës me titull “Brenda bunkerëve të Prishtinës, që janë të destinuar në rast të ndonjë fatkeqësie natyrore apo të ndonjë rreziku tjetër”.
Pas verifikimit të fakteve, hibrid.info ka vërtetuar se fotografia ilustruese e përdorur në artikull nuk paraqet hyrjen e ndonjë bunkeri të Prishtinës.
Vegëza e artikujve të publikuar në “Demokracia.com” dhe “Veriu.info”:
Artikulli i publikuar në portalet informativ është i bazuar në një kronikë të televizionit “A2”. (këtu)
Pas hulumtimeve dhe verifikimit të fakteve të kryera nga hibrid.info, është vërtetuar se fotografia ilustruese e përdorur në artikull nga këto portale nuk paraqet hyrjen e ndonjë bunkeri të Prishtinës.
Hibrid.info, pas kërkimeve të bëra ka gjetur origjinën e fotografisë e që behet fjalë për një bunker në Kansas City të SHBA-ve dhe fotografia ilustruese paraqet hyrjen e këtij objekti. (këtu, këtu)
Analiza:
Fotografia ilustruese e artikullit ku flitet për bunkerët e Prishtinës paraqet hyrjen e një bunkeri në Kansas City të SHBA-ve.
Bazuar në metodologjinë e punës, hibrid.info këtë përdorim të fotografisë e vlerëson si “clickbait”.
Arsyetimi:
“Clickbait” vlerësohen ato përmbajtje informative titulli i të cilave është përgjithësues dhe nuk bënë të ditur vendndodhjen e ngjarjes, kontekstin dhe relevancën. Tekste dhe artikuj të tillë synojnë të tërheqin vëmendjen e audiencës me tituj sensacionalë me pasojë çorientuese, që nuk e qartësojnë saktësisht përmbajtjen e artikullit. Titujt “clickbait” bëhen kryesisht për të tërhequr lexueshmëri në rastin e publikimeve mediatike dhe/ose për të fituar nga klikimet në rastet e publikimeve komerciale.
