Disa media online shqip në Kosovë kanë publikuar një artikull në të cilin përshkruhen të mirat e konsumimit të qumështit para gjumit.
Në këtë artikull jepen disa këshilla të pretenduara që ndërlidhen me konsumimin e qumështit. Më tej në tekst shkruhet se konsumimi i qumështit para gjumit forcon kockat, mundëson gjumë të qetë gjatë natës dhe humbje të peshës. Të gjitha këto këshilla, krijuesi i këtij lajmi, nuk i ka mbështetur në burime referuese.
Pjesë nga teksti origjinal i publikuar në portalet GazetaExpress dhe Periskopi:
Qumështi është një burim i shkëlqyeshëm ushqyesish, është i shëndetshëm për kockat tuaja dhe ka edhe më shumë përfitime nëse e pini para se të flini.
Qumështi mund t’ju ndihmojë të bini në gjumë më shpejt, të flini gjumë të qetë pa u zgjuar në mes të natës, dhe madje të rritni humbjen e peshës.
Artikulli i publikuar në GazetaExpress dhe Periskopi:
Analizë:
Ky shkrim nuk posedon burim të informacionit, që tregon qartë se nga është marrë ky studim. Gjithashtu, faktet që paraqiten në tekst rreth të mirave që sjellë pirja e qumështit para gjumit, nuk janë të verifikuara.
Artikujt e tillë shpesh keqinterpretojnë ose manipulojnë kërkimet shkencore ekzistuese. Hibrid.info e kategorizon këtë tekst si “Përmbajtje e pa verifikuar”.
Arsyetimi:
Përmbajtje e pa verifikuar – Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
