Portali i dyshimtë me përmbajtje në gjuhën shqipe “lajmet.news336media.com” ka publikuar një artikull me titull “Erdhi dita e Pensionisteve!!Nga Qershori u rritet pensioni”.
Pas verifikimit të fakteve, hibrid.info ka vërtetuar se lajmi është i vjetër, i botuar në muajin mars të këtij viti i cili ka të bëjë me pensionistët në Shqipëri.
Duke e ditur se ky portal i dyshimtë, një numër të madh të artikujve të publikuar i ka në lidhje me Kosovën, me këtë titull të vënë mund t’i dezinformojë lexuesit duke lënë të kuptohet se bëhet fjalë për pensionistët kosovarë.
Vegëza e artikullit të publikuar në portalin e dyshimtë “lajmet.news336media.com”:
Artikullin e njëjtë e ka publikuar edhe faqja “33shi.com” në Facebook, e cila numëron afër 50 mijë ndjekës. (shih këtu)
Pas hulumtimit të kryer përmes makinave online të kërkimit, hibrid.info ka arritur të gjejë artikullin e publikuar në kohë reale nga media online në Kosovë dhe Shqipëri. (shih këtu dhe këtu)
Analiza:
Portali i dyshimtë “lajmet.news336media.com” ka publikuar një artikull të vjetër të muajit mars në lidhje me rritjen e pensioneve në Shqipëri, por në titull nuk bëhet e qartë se për cilin shtet bëhet fjalë.
Duke e ditur se ky portal i dyshimtë shumicën e artikujve i ka në lidhje me Kosovën, kjo mund t’i dezinformojë lexuesit se bëhet fjalë për pensionistët kosovarë.
Bazuar në metodologjinë e punës, hibrid.info e vlerëson këtë artikull si “Clickbait”.
Arsyetimi:
“Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
