Portale të dyshimta kanë publikuar artikullin me titull të përafërt si: “Dafina Zeqiri ndëron fenë, nga muslimane shëndrohet në të krishtere ?(Pamje)”.
Pas verifikimit të fakteve, hibrid.info ka vërtetuar se përmbajtja e artikujve të publikuar nga këto portale është pothuajse i njëjtë dhe e sajuar. Në artikuj përshkruhet vendosja e një qafore të këngëtares që është parë në një video të postuar nga llogaria e saj në TikTok, qafore e cila është në formë të engjëllit dhe të kryqit. Sipas artikullit aty ka filluar aludimi për ndryshim religjioni nga këngëtarja Dafina Zeqiri.
Ky artikull së pari është publikuar nga “InfoKosova.net” më 23 korrik, i titulluar “Dafina ndryshon fenë, nga myslimane në…?, ky detaj ngreh dyshime”, ku portalet e tjera të dyshimta më pas e kanë ndryshuar titullin por përmbajtja është e njëjtë.
Artikulli i publikuar në portalet e dyshimta si “worldlivestar.com”, “banglacontent24.com” dhe “shen.active24live.com”:
Dafina Zeqiri ka reaguar në profilin e saj në Instagram ndaj këtij pretendimi. Ajo ka lënë të kuptohet se publikimet në media janë të rreme, përmes pakënaqësisë së shprehur në postimet e saj, ndaj mediave. Gjithashtu, në njërin nga “Story”-t në profilin e saj në Instagram ka vendosur thënien se “feja e shqiptarit është shqiptaria”, duke e lënë të kuptohet se qaforja nuk përfaqëson bindjen e saj fetare. (shih fotografitë më poshtë)
Ky artikull është shpërndarë edhe në rrjetin social Facebook nga faqja “Lajmet e Fundit+”, “Shkurteshqip.net”, “Tryeza” dhe grupi “Qendra e Komedis fjale te Urta”. (shih këtu, këtu, këtu dhe këtu)
Analiza:
Portale të dyshimta kanë publikuar artikuj me tituj si ky në vazhdim – “Dafina Zeqiri ndëron fenë, nga muslimane shëndrohet në të krishtere ?(Pamje)”.
Në bazë të fakteve të trajtuar nga hibrid.info, rezulton që ky artikull të jetë i rremë. Gjithashtu dhe vetë këngëtarja Dafina Zeqiri ka reaguar kundër këtij lajmi të rremë.
Duke iu referuar metodologjisë së hibrid.info, bënë që ky pretendim të vlerësohet si “lajm i rremë”, pasi që i gjithë pretendimi është i sajuar dhe nuk ka asnjë bazë.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.