Shkroi: Festim Rizanaj
Është pretenduar në rrjete sociale se gjatë vizitës zyrtare të presidentit francez Emmanuel Macron në Serbi, ka pasur një puthje intime midis tij dhe presidentit të Serbisë, Aleksandar Vuçiq.
Ky video-material u publikua edhe nga faqja me emrin “Arianit Sllamniku” në Facebook (31 gusht), ku pretendohet se është kapur puthja intime midis këtyre dy zyrtarëve.
Pas verifikimit të fakteve nga hibrid.info, është vërtetuar se videoja është e manipuluar.
Vegëza e postimin në Facebook nga faqja “Arianit Sllamniku”:
https://www.facebook.com/sllamnikuarianit/videos/481608537987159
Pasi të analizohet imazhi nga afër, vërehen deformime grafike që lënë për të dyshuar se kjo video është e edituar.
Videoja është e manipuluar, siç mund të kuptohet që në shikimin e parë. Cilësia e videos në sekuencën e puthjes mes Macronit dhe Vuçiqit është dukshëm më e dobët dhe fytyra e Vuçiqit është deformuar në një moment të caktuar, siç shihet në sekuencën e mëposhtme. Kështu ka vlerësuar platforma për verifikim të fakteve “Raskrinkavanje.me”.
Përveç kësaj, videoja e takimit të tyre tregon se Macron dhe Vuçiq u përshëndetën miqësisht, por jo me një puthje intime. (këtu)
Analiza:
Në një video të shpërndarë nga faqja e Arianit Sllamnikut në Facebook, e cila është parë nga shumë përdorues, pretendohet të jetë incizuar një puthje intime midis presidentit francez, Emmanuel Macron, dhe presidentit serb, Aleksandar Vuçiq.
Sipas verifikimit të fakteve nga Hibrid.info, është vërtetuar se videoja është e manipuluar.
Bazuar në metodologjinë e punës, hibrid.info këtë video-material e vlerëson si “mashtrim”.
Arsyetimi:
Vlerësimi “Mashtrim” u bëhet atyre përmbajtjeve informative të cilat manipulohen si në aspektin vizual (deepfake, cheapfake), zanor (audio) apo tekstual të përmbajtjes për të mashtruar audiencën. Zakonisht kjo formë e mashtrimit përdoret për të prodhuar përmbajtje të paqena dhe të manipuluara.