Ndërkohë që aktivitetet kundër keqinformimit po vazhdojnë, Mitrovica Veriore i është shtuar listës së qyteteve ku janë zhvilluar sesione informuese në kuadër të projektit “Countering Disinformation Narratives through Innovation and Experiential Learning”.
Gjatë një sesioni dyorësh të mbajtur në hapësirat e NGO Aktiv, pjesëmarrësit diskutuan mbi format e çrregullimit informativ, duke synuar rritjen e vetëdijes dhe thellimin e njohurive rreth këtij fenomeni.
Info sesioni u karakterizua nga diskutime interaktive dhe shkëmbim përvojash, duke u fokusuar në mënyrat se si komunitetet lokale mund të përballen më efektivisht me përmbajtjet keqinformuese.
Ky projekt, i financuar nga U.S. Embassy Pristina, synon të fuqizojë komunitetet lokale, duke i ndihmuar jo vetëm të kuptojnë më mirë dezinformimin, por edhe të zhvillojnë aftësi dhe qëndrueshmëri për t’iu kundërvënë atij.
