Portali i dyshimtë “revista-shqiptare.com” ka publikuar një artikull me titull “Bleni miell sa më shpejtë, ja se çfarë kaosi po pritet të ndodhë në muajin Shtator”.
Ky portal i dyshimtë ka vënë një titull tendencioz në këtë artikull, duke përhapur panik te lexuesit, me pretendimin se diçka e jashtëzakonshme pritet të ndodhë në muajin shtator.
Pas kontrollit të fakteve të kryer nga hibrid.info, rezulton se ky artikull përmban titull të rremë, i cili nuk përputhet me përmbajtje.
Lajmi është i vjetër, i cili është publikuar në mediat kredibile në prill të vitit 2020 dhe ka të bëjë me mullistët kosovarë, të cilët atëkohë kishin paralajmëruar pezullimin e prodhimit të miellit për arsye se, shkak i importit me çmim të ulët nga Serbia..
Pra, nuk pritet të ndodhë asnjë gjë e jashtëzakonshme në muajin shtator, siç pretendohet rrejshëm në titull.
Teksti i artikullit të publikuar në portalin e dyshimtë “revista-shqiptare.com”:
Ndërkohë, pezullimi i përkohësisht i disa masave tarifore ndaj importit të miellit nga ministria e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike ka ngjallur pakënaqësi tek mullisët e Kosovës.
Ata sot nuk kanë ofruar shërbime dhe shitjen e miellit për qytetarit në shenjë proteste ndaj këtij vendimi.
Pas mungesës disa ditore, në tregjet e Kosovës është kthyer mielli përsëri.
Vegëza e artikullit të publikuar në “revista-shqiptare.com”:
Më poshtë mund të gjeni artikullin e publikuar në kohë reale (prill 2020) në disa media online në Kosovë.
https://www.rtklive.com/sq/news-single.php?ID=424012
Analiza:
Portali i dyshimtë “revista-shqiptare.com” ka publikuar një lajm të vjetër të cilin është munduar ta paraqesë si aktual duke i vënë edhe titull tendencioz që mund të përhapë panik te lexuesit.
Pas analizës së kontrollit të fakteve të kryer nga hibrid.info, ky artikull merr vlerësimin si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.