“Zyra për Kosovë në Qeverinë e Serbisë” ka lëshuar një deklaratë me pretendim se në Mogillë të komunës së Vitisë, janë shfaqur disa mbishkrime në mure të shtëpive si “ALB”, “Albania” dhe “UÇK”.
Në këtë komunikatë pretendohet pa fakte se këto mbishkrime janë bërë me motive etnike, ku thuhet se “në këtë mjedis të përzier edhe më parë kanë ndodhur incidente me motive etnike, si shkrimi i emrit të organizatës terroriste të UÇK-së pranë një shkolle dhe kishe serbe, gjuajtja me gurë e shtëpive serbe, kështu që banorët e kësaj komune me të drejtë janë të shqetësuar për sigurinë e tyre”.
Hibrid.info pasi ka verifikuar faktet në këtë deklaratë, është vërejtur se në njërin nga mbishkrimet në atë muri, janë shkronja “OQK”, që sipas kësaj zyre janë shkruar inicialet për “Ushtrinë Çlirimtare të Kosovës”.
Pretendimi i bërë nga “Zyra për Kosovë e Metohi”, nuk e argumenton me asnjë fakt se kush i bëri këto mbishkrime.
Kjo deklaratë u publikua edhe nga portali në gjuhën serbe “Kosovo-online.com”.
Pjesë nga komunikata e publikuar në “Kosovo-online.com” e përkthyer në gjuhën shqipe:
Zyra për Kosovë dhe Metohi: Në Mogillë afër Vitisë janë shfaqur mbishkrime fyese
Në rrugën rurale në Mogillë të komunës së Vitisë sot në mëngjes janë shfaqur mbishkrimet “Albania”, “ALB” dhe një emër poshtërues për popullin serb të shkruar në murin e një shtëpie, njofton Zyra për Kosovë e Metohi.
“Në këtë mjedis të përzier edhe më parë kanë ndodhur incidente me motive etnike, si shkrimi i emrit të organizatës terroriste të UÇK-së pranë një shkolle dhe kishe serbe, gjuajtja me gurë e shtëpive serbe, kështu që banorët e kësaj komune me të drejtë janë të shqetësuar për sigurinë e tyre”, thuhet. thuhet në deklaratë.
Vegëza e komunikatës së lëshuar nga e ashtuquajtura “Zyra për Kosovë e Metohi”:
http://www.kim.gov.rs/v4565.php
Vegëza e artikullit të publikuar në portalin në gjuhën serbe “Kosovo-online.com”:
Analiza:
E ashtuquajtura “Zyra për Kosovë dhe Metohi” në këtë deklaratë ka pretenduar pa fakte se disa mbishkrime që janë vendosur sot (3 nëntor) në Mogillë të komunës së Vitisë, janë bërë nga qytetarët e Kosovës.
Megjithatë, gjatë analizës së kontrollit të fakteve nga hibrid.info, vërehet qartë se inicialet për “Ushtrinë Çlirimtare të Kosovës” janë shkruar gabim “OQK”. Pra, ky detaj lë vend për dyshim se ajo është bërë nga qytetarë të etnisë shqiptare dhe kjo zyrë nuk e argumenton pretendimin e bërë me asnjë fakt.
Duke parë që në këtë deklaratë nuk ofrohet asnjë informatë e mjaftueshmë për të konfirmuar pretendimet e bëra në raport, atëherë stafi i hibrid.info bazuar në metodologjinë e punës e ka vlerësuar këtë artikull si “raportim i njëanshëm” dhe “përmbajtje e pa verifikuar”.
Arsyetimi:
Vlerësim si “Raportim i njëanshëm” merr ai raport mediatik i cili vërehet qartë se bënë favorizim të fakteve, qëndrime dhe përfundime që përputhen me një narrativë të veçantë, shpesh duke mos respektuar rregullin e kontaktit me palën tjetër kur bëhet fjalë për pretendime që janë të dëmshme për reputacionin e dikujt ose të portretizuar nga akterë të caktuar me një qasje negative. Një nga format e raportimit të njëanshëm është paraqitja selektive e fakteve, ku theksohen fakte që mbështesin një tezë të caktuar, ndërsa faktet që nuk e konfirmojnë atë janë lënë pas dore.
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
