Portali “Veriu.info” ka publikuar një artikull me titull “LAJMI I FUNDIT: Sulmohet fizikisht kryetari i BIK-ut”.
Hibrid.info ka verifikuar faktet në këtë artikull, ku është vërtetuar se titulli nuk përputhet me përmbajtjen.
Në tekst bëhet e qartë se bëhet fjalë për Husamedin Hoxhën, i cili është kryetar i këshillit të Bashkësisë Islame të Kosovës në Viti, e jo për kryetarin e BIK-ut, Naim Tërnava.
Vegëza e artikullit të publikuar në “Veriu.info”:
Mediumi online që raportoi i pari për këtë ngjarje dhe që është cituar nga “Veriu.info”, është portali “Insajderi.com”, i cili ka vënë titull të saktë se bëhet fjalë për kryetarin i BIK-ut në Viti. (shih këtu)
Një fakt shtesë se kryetar i BIK-ut, është Naim Tërnava, “Hibrid.info” ka gjetur një artikull të publikuar nga Bashkësia Islame me 19 janar 2022. (shih këtu)
Analiza:
Portali “Veriu.info” ka publikuar një artikull që ka të bëjë me një sulm fizik ndaj Husamedin Hoxhës, i cili është kryetar i këshillit të Bashkësisë Islame të Kosovës në Viti. Por, në titull ka pretenduar se bëhet fjalë kryetarin e BIK-ut, kështu duke lënë të kuptohet se bëhet fjalë për Naim Tërnavën.
Pas analizës së kontrollit të fakteve bazuar në metodologjinë e punës, Hibrid.info e ka vlerësuar këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.