Pushtimi rus i Ukrainës është dënuar gjerësisht në shumë pjesë të botës, por një rrjet grupesh në Facebook i drejtuar nga njerëz me motive të panjohura do synojnë që të ndryshojnë perceptimet për liderin e vendit.
Miliona njerëz kanë parë postime të përkushtuara për të portretizuar Presidentin Vladimir Putin si të qeshur, dashamirës dhe paqedashës.
Këta janë super fansat e Putinit – dhe ne kemi ndjekur se çfarë bëjnë dhe nga vijnë.
BBC ka hetuar këto grupe të mëdha pro-Putin me ndihmën e studiuesve nga Instituti për Dialog Strategjik (ISD).
Ekspertët e ISD identifikuan 10 grupe publike pro Putinit, me emra të tillë si Vladimir Putin – Udhëheqësi i Botës së Lirë. Grupet kanë më shumë se 650,000 anëtarë mes tyre. Përmbajtja përfshin fotografi dhe mesazhe që lavdërojnë liderin rus, të shkruara në një sërë gjuhësh: anglisht, rusisht, farsi, arabisht dhe kmer.
Jo vetëm që janë të njohura, por edhe shumë aktive. Gjatë muajit të kaluar, studiuesit numëruan 16,500 postime, duke marrë më shumë se 3.6 milionë ndërveprime.
Qëllimi i përgjithshëm i grupeve duket të jetë promovimi i zotit Putin si një hero që i qëndron përballë Perëndimit, me mbështetje dërrmuese ndërkombëtare.
Imazhet shpesh tregojnë liderin rus “duke ecur me vetëbesim, duke mbajtur këlyshë, duke i ngulur sytë me mall në kamerë, duke përshëndetur trupat dhe duke hipur në një sërë kafshësh të egra, duke përfshirë arinjtë dhe luanët”.
Këto grupe kanë fituar më shumë se 100,000 anëtarë të rinj që nga fillimi i pushtimit më 24 shkurt. dhe paqedashës.
Këta janë super fansat e Putinit – dhe ne kemi ndjekur se çfarë bëjnë dhe nga vijnë.
Duke gërmuar në detajet e njerëzve që drejtojnë shumicën e përmbajtjes, doli se shumë nga fansat e listuar si administratorë të grupeve kanë llogari të kopjuara me të njëjtin emër. Studiuesit gjetën të paktën 100 llogari të tilla në rrjet.
Këto llogari në përgjithësi ndjekin njëra-tjetrën dhe ndonjëherë postojnë mesazhe që të ngrohin zemrën ose i dërgojnë emoji zemre njëri-tjetrit. Dhe ata i administrojnë këto llogari pro-Putinit krahas të tjerëve që pretendojnë të jenë nga Federata Ruse ose shërbimet ruse të sigurisë, të cilat janë qartazi false.
Drejtimi i llogarive të dyfishta është një shkelje e mundshme e rregullave të Facebook për sjelljen joautentike, thotë ISD.
Studiuesi kryesor Moustafa Ayad e quan praktikën një shembull të “astroturfing” – një operacion në internet që përfshin llogari të shumta që jep diçka në mënyrë të rreme përshtypjen e mbështetjes më të gjerë bazë.
Fushata “krijon pamjen e mbështetjes së gjerë për Putinin dhe Kremlinin nën hijen e pushtimit dhe mbështetet në… llogari joautentike për të përmbushur qëllimin e saj”, sipas raportit të ISD.
(Artikulli i plotë në versionin anglisht i publikuar nga BBC)
