Portali i dyshimtë me përmbajtje në gjuhën shqipe “gazetaz.com” ka publikuar një artikull me pretendim të rremë se kryeministri i Kosovës, Albin Kurti, është shprehur se do t’ua dyfishojë pensionin veteranëve të luftës.
Artikulli përmban titull komplet të sajuar, dhe nuk i përgjigjet përmbajtjes, pasi që lajmi ka të bëjë me ftesën e Kurtit për takim me veteranët e UÇK-së sot (17 qershor) në orën 09:00.
Pra, pretendimi i bërë në titull se Kurti ka premtuar dyfishimin e pensionit për veteranët e luftës, rezulton të jetë i rremë.
Artikulli i publikuar nw portalin e dyshimtw “gazetaz.com”:
Unë νeteranët i dua, do ta paguaj dufishin, Por kam një kυsht (DOKUMENT)
Kryeministri i Kosovës, Albin Kurti, ka ftuar në takim v eteranët e UÇK-së për nesër në orën 09:00.
Megjithatë, v eteranët kanë vazhduar protestën e tyre para Kuvendit duke kërkuar ndërprerjen e seancës.
Herë pas here ka pasur edhe sh tyrje mes P olicisë e v eteranëve, mirëpo që udhëheqësit e tubimit kanë bërë thirrje për q etësi.
Ndërkaq lajmi.net ka siguruar ftesën që Kurti ua ka dërguar v eteranëve:
Vegëza e artikullit të publikuar në portalin e dyshimtë “gazetaz.com”:
Ky artikull është shpërndarë edhe në Facebook nga faqja “Specialja”, e cila numëron mbi 80 mijë ndjekës. (shih këtu)
Pas hulumtimit të kryer përmes makinave online të kërkimit, hibrid.info ka arritur të gjejë artikullin autentik të publikuar në portalin “lajmi.net”. (shih këtu)
Analiza:
Portali i dyshimtë “gazetaz.com” ka publikuar një artikull të portalit “lajmi.net”, i cili ka të bëjë me ftesën e Kurtit për takim me veteranët e luftës për të diskutuar në lidhje me pakënaqësitë rreth Ligjit për pagën minimale.
Mirëpo, ky portal i dyshimtë, këtij artikulli i ka vënë titull të rremë se Kurti ka deklaruar që do të dyfishojë pensionin veteranëve.
Bazuar në metodologjinë e punës, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.