Portali i dyshimtë “newsonline48h.com” ka publikuar një artikull me titull “Haki Abazi: Votuesit e PDK-së dhe LDK-së janë teprica në Kosovë, duhet larguar nga Kosova..(VIDEO)”.
Pas kërkimit dhe hulmtimit përmes makinave të kërkimit nga hibrid.info, del që ky artikull përmban titull dhe përmbajtje të sajuar. Një deklaratë e tillë nga Abazi nuk është gjetur në asnjë nga mediat kredibile.
Gjithashtu, në titullin e këtij artikulli shkruan se në përmbajtje mund të gjendet edhe video e kësaj deklarate, gjë që në fakt nuk ka një video të tillë siç pretendohet.
Teksti i artikullit të publikuar në portalin e dyshimtë “newsonline48h.com”:
Ish zevendes-kryeministri i Kosoves, Haki Abazi ka thene se njerezit qe e votojn LDK-ne dhe PDK-ne jane teprica ne shtetin e Kosoves. Sipas tij, ata duhet larguar nga Kosova..
“Une s’mundem me i kuptu njerezit qe e votojn PDK-ne dhe LDK-ne. Ata jane teprica te vendit per mu. Duhet me i largu prej vendit. Ata duhet me i qu ne…-
Vegëza e artikullit të publikuar në portalin e dyshimtë “newsonline48h.com”:
Analiza:
Portali i dyshimtë “newsonline48h.com” ka sajuar këtë artikull në mënyrë që të rris vizitat nga lexuesit, përmes rrjeteve sociale.
Ky shkrim është shpërndarë edhe në faqen “Gazeta Aktive” në Facebook e cila numëron afër 90 mijë pëlqime, ndërsa në këtë postim ka arritur të grumbullojë mbi 250 komente. Pas verifikimit të bërë nga hibrid.info, del që ky artikull kategorizohet si “lajm i rremë” dhe “dezinformatë”.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.