Portali i televizionit Klan në Shqipëri, “tvklan.al” ka publikuar një artikull duke spjeguar se si të ndërtohet një sistem imunitar i fortë për t’u mbrojtur nga rreziku i virusit Korona.
Ky artikull tregon se çfarë duhet të konsumojmë për të ndërtuar një sistem imunitar të fortë, për t’i bërë ballë virusit Korona. Megjithatë, këtij shkrimi i mungon burimi i informacionit, që tregon saktë se ku është marrë ky studim.
Ushqimet që rekomandohen në artikullin e “tvklan.al” për parandalimin e infektimit me COVID-19:
- Supe pule me makarona
- Qepë dhe hudhër
- Kërpudha
- Frutat e agrumeve
- Kos
- Çaj i nxehtë
- Xhenxhefil
Vegëza e artikullit të publikuar në “tvklan.al”:
Analiza:
Ky artikull nuk posedon burim të informacionit, që tregon qartë se nga është marrë ky studim. Gjithashtu, faktet që paraqiten në tekst rreth ushqimeve që parandalojnë virusin Korona, nuk janë të verifikuara. Ky lajm mund të jetë i vërtetë, por përderisa i mungojnë referencat se nga cili studim apo hulumtim janë marrë këto fakt, atëherë artikulli kategorizohet si “Përmbajtje e pa verifikuar”.
Arsyetimi:
Përmbajtje e pa verifikuar – Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.