Portalet e dyshimta “gazetaplisi.com” dhe “todaynews74.com” kanë publikuar një artikull në titullin e të cilit pretendohet se “Prokuroria merr vendim për lirimin me kusht të Thaçit”.
Pas analizës së kontrollit të fakteve të kryer nga hibrid.info, del që titulli është i rremë dhe i njëjti nuk i përgjigjet përmbajtjes në tekst.
Gjithashtu, lajmi është i vjetër, i cili u publikua nga klankosova.tv më 14 korrik të këtij viti dhe kishte të bëjë me kundërshtimin e Prokurorisë se Hagës për lirimin me kusht të Thaçit, pasi ka vlerësuar se ka ndikim politik.
Pra, nuk ka asgjë të vërtetë lidhur me lirimin me kusht të ish-presidentit të Kosovës, siç pretendohet rrejshëm në titullin e këtij artikulli.
Vegëzat e artikullit të publikuar në “gazetaplisi.com” dhe “todaynews74.com”:
Përmes këtij artikulli, ky portal i dyshimtë ka pretenduar ta paraqes si të vërtetë një fotografi të edituar, ku paraqet ish-presidentin e Kosovës, Hashim Thaçi, me mjekër.
Hibrid.info më parë ka verifikuar faktet në këtë fotografi, e cila është e edituar me ndonjë aplikacion dhe që rezultoi se Thaçi nuk e ka rritur mjekrën gjatë qëndrimit të tij në Gjykatën Speciale në Hagë.
Vegëza e artikullit nga hibrid.info me verifikimin e fakteve të fotografisë së Thaçit:
Më poshtë mund të gjeni artikullin autentik të publikuar në kohë reale nga klankosova.tv, ku tregon se Prokuroria në Hagë ka kundërshtuar lirimin me kusht të Thaçit.
Analiza:
Këto portale të dyshimta kanë publikuar artikull të vjetër që tregon se Prokuroria e Hagës kishte kundërshtuar lirimin me kusht të Hashim Thaçit.
Të njëjtit artikull i është vënë qëllimshëm titull i sajuar, duke pretenduar rrejshëm se Prokuroria e Hagës ka vendosur që ta lirojë me kusht ish-presidentit e Kosovës.
Pas analizës së kontrollit të fakteve përmes metodologjisë së punës, hibrid.info e ka vlerësuar këtë artikull si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.